၄-၉. သမဏဗြာဟ္မဏသုတ္တာဒိဝဏ္ဏနာ

၁၀၇-၁၁၂. စတုတ္ထေ သာမညန္တိ အရိယမဂ္ဂေါ၊ တေန အရဏီယတော ဥပဂန္တဗ္ဗတော သာမညတ္ထံ၊ အရိယဖလန္တိ အာဟ ‘‘သာမညတ္ထန္တိ စတုဗ္ဗိဓံ အရိယဖလ’’န္တိ. ဗြဟ္မညတ္ထန္တိ ဧတ္ထာပိ ဧသေဝ နယော. တေနာဟ ‘‘ဣတရံ တဿေဝ ဝေဝစန’’န္တိ. အရိယမဂ္ဂသင်္ခါတံ သာမညမေဝ ဝါ အရဏီယတော သာမညတ္ထန္တိ အာဟ ‘‘သာမညတ္ထေန ဝါ စတ္တာရော မဂ္ဂါ’’တိ. ပဉ္စမာဒီနိ ဥတ္တာနတ္ထာနေဝ.

သမဏဗြာဟ္မဏသုတ္တာဒိဝဏ္ဏနာ နိဋ္ဌိတာ.