၉. ပဉ္စသီလဝိသာရဒသုတ္တံ

၃၁၂. ‘‘ပဉ္စဟိ၊ ဘိက္ခဝေ၊ ဓမ္မေဟိ သမန္နာဂတော မာတုဂါမော ဝိသာရဒေါ အဂါရံ အဇ္ဈာဝသတိ. ကတမေဟိ ပဉ္စဟိ? ပါဏာတိပါတာ ပဋိဝိရတော စ ဟောတိ၊ အဒိန္နာဒါနာ ပဋိဝိရတော စ ဟောတိ၊ ကာမေသုမိစ္ဆာစာရာ ပဋိဝိရတော စ ဟောတိ၊ မုသာဝါဒါ ပဋိဝိရတော စ ဟောတိ၊ သုရာမေရယမဇ္ဇပ္ပမာဒဋ္ဌာနာ ပဋိဝိရတော စ ဟောတိ – ဣမေဟိ ခေါ၊ ဘိက္ခဝေ၊ ပဉ္စဟိ ဓမ္မေဟိ သမန္နာဂတော မာတုဂါမော ဝိသာရဒေါ အဂါရံ အဇ္ဈာဝသတီ’’တိ. နဝမံ.