၈. ဒုတိယသမ္ဗဟုလသုတ္တံ

၂၆၆. အထ ခေါ သမ္ဗဟုလာ ဘိက္ခူ ယေန ဘဂဝါ တေနုပသင်္ကမိံသု။ပေ။ ဧကမန္တံ နိသိန္နာ ခေါ တေ ဘိက္ခူ ဘဂဝါ ဧတဒဝေါစ – ‘‘ကတမာ နု ခေါ၊ ဘိက္ခဝေ၊ ဝေဒနာ၊ ကတမော ဝေဒနာသမုဒယော၊ ကတမော ဝေဒနာနိရောဓော၊ ကတမာ ဝေဒနာနိရောဓဂါမိနီ ပဋိပဒါ? ကော ဝေဒနာယ အဿာဒေါ၊ ကော အာဒီနဝေါ၊ ကိံ နိဿရဏ’’န္တိ? ‘‘ဘဂဝံမူလကာ နော၊ ဘန္တေ၊ ဓမ္မာ။ပေ။’’ ‘‘တိဿော ဣမာ၊ ဘိက္ခဝေ၊ ဝေဒနာ – သုခါ ဝေဒနာ၊ ဒုက္ခာ ဝေဒနာ၊ အဒုက္ခမသုခါ ဝေဒနာ – ဣမာ ဝုစ္စန္တိ၊ ဘိက္ခဝေ၊ ဝေဒနာ။ပေ။ ဖဿသမုဒယာ။ပေ။. (ယထာ ပုရိမသုတ္တန္တေ၊ တထာ ဝိတ္ထာရေတဗ္ဗော.) အဋ္ဌမံ.