၁၃-၁၅. ဗာဟိရဒုက္ခဆန္ဒာဒိသုတ္တံ

၁၈၀-၁၈၂. ‘‘ယံ၊ ဘိက္ခဝေ၊ ဒုက္ခံ၊ တတြ ဝေါ ဆန္ဒော ပဟာတဗ္ဗော၊ ရာဂေါ ပဟာတဗ္ဗော၊ ဆန္ဒရာဂေါ ပဟာတဗ္ဗော. ကိဉ္စ၊ ဘိက္ခဝေ၊ ဒုက္ခံ? ရူပါ၊ ဘိက္ခဝေ၊ ဒုက္ခာ၊ တတြ ဝေါ ဆန္ဒော ပဟာတဗ္ဗော၊ ရာဂေါ ပဟာတဗ္ဗော၊ ဆန္ဒရာဂေါ ပဟာတဗ္ဗော. သဒ္ဒါ။ ဂန္ဓာ။ ရသာ။ ဖောဋ္ဌဗ္ဗာ။ ဓမ္မာ ဒုက္ခာ၊ တတြ ဝေါ ဆန္ဒော ပဟာတဗ္ဗော၊ ရာဂေါ ပဟာတဗ္ဗော၊ ဆန္ဒရာဂေါ ပဟာတဗ္ဗော. ယံ၊ ဘိက္ခဝေ၊ ဒုက္ခံ၊ တတြ ဝေါ ဆန္ဒော ပဟာတဗ္ဗော၊ ရာဂေါ ပဟာတဗ္ဗော၊ ဆန္ဒရာဂေါ ပဟာတဗ္ဗော’’တိ.