၁၆-၁၈. ဗာဟိရာနတ္တဆန္ဒာဒိသုတ္တံ

၁၈၃-၁၈၅. ‘‘ယော၊ ဘိက္ခဝေ၊ အနတ္တာ၊ တတြ ဝေါ ဆန္ဒော ပဟာတဗ္ဗော၊ ရာဂေါ ပဟာတဗ္ဗော၊ ဆန္ဒရာဂေါ ပဟာတဗ္ဗော. ကော စ၊ ဘိက္ခဝေ၊ အနတ္တာ? ရူပါ၊ ဘိက္ခဝေ၊ အနတ္တာ၊ တတြ ဝေါ ဆန္ဒော ပဟာတဗ္ဗော၊ ရာဂေါ ပဟာတဗ္ဗော၊ ဆန္ဒရာဂေါ ပဟာတဗ္ဗော. သဒ္ဒါ။ ဂန္ဓာ။ ရသာ။ ဖောဋ္ဌဗ္ဗာ။ ဓမ္မာ အနတ္တာ၊ တတြ ဝေါ ဆန္ဒော ပဟာတဗ္ဗော၊ ရာဂေါ ပဟာတဗ္ဗော၊ ဆန္ဒရာဂေါ ပဟာတဗ္ဗော. ယော၊ ဘိက္ခဝေ၊ အနတ္တာ တတြ ဝေါ ဆန္ဒော ပဟာတဗ္ဗော၊ ရာဂေါ ပဟာတဗ္ဗော၊ ဆန္ဒရာဂေါ ပဟာတဗ္ဗော’’တိ.