၆. သညာသုတ္တံ

၃၁၇. သာဝတ္ထိနိဒါနံ. ‘‘ယော ခေါ၊ ဘိက္ခဝေ၊ ရူပသညာယ ဥပ္ပါဒေါ ဌိတိ။ပေ။ ဇရာမရဏဿ ပါတုဘာဝေါ။ပေ။ ယော ဓမ္မသညာယ ဥပ္ပါဒေါ ဌိတိ အဘိနိဗ္ဗတ္တိ ပါတုဘာဝေါ၊ ဒုက္ခဿေသော ဥပ္ပါဒေါ၊ ရောဂါနံ ဌိတိ၊ ဇရာမရဏဿ ပါတုဘာဝေါ. ယော စ ခေါ၊ ဘိက္ခဝေ၊ ရူပသညာယ နိရောဓော။ပေ။ ဇရာမရဏဿ အတ္ထင်္ဂမော။ပေ။ ယော ဓမ္မသညာယ နိရောဓော ဝူပသမော အတ္ထင်္ဂမော၊ ဒုက္ခဿေသော နိရောဓော၊ ရောဂါနံ ဝူပသမော၊ ဇရာမရဏဿ အတ္ထင်္ဂမော’’တိ. ဆဋ္ဌံ.