၁၀. ခန္ဓသုတ္တံ

၃၂၁. သာဝတ္ထိနိဒါနံ. ‘‘ယော ခေါ၊ ဘိက္ခဝေ၊ ရူပဿ ဥပ္ပါဒေါ ဌိတိ အဘိနိဗ္ဗတ္တိ ပါတုဘာဝေါ၊ ဒုက္ခဿေသော ဥပ္ပါဒေါ၊ ရောဂါနံ ဌိတိ၊ ဇရာမရဏဿ ပါတုဘာဝေါ. ယော ဝေဒနာယ။ ယော သညာယ။ ယော သင်္ခါရာနံ။ ယော ဝိညာဏဿ ဥပ္ပါဒေါ ဌိတိ အဘိနိဗ္ဗတ္တိ ပါတုဘာဝေါ၊ ဒုက္ခဿေသော ဥပ္ပါဒေါ၊ ရောဂါနံ ဌိတိ၊ ဇရာမရဏဿ ပါတုဘာဝေါ. ယော စ ခေါ၊ ဘိက္ခဝေ၊ ရူပဿ နိရောဓော ဝူပသမော အတ္ထင်္ဂမော၊ ဒုက္ခဿေသော နိရောဓော၊ ရောဂါနံ ဝူပသမော၊ ဇရာမရဏဿ အတ္ထင်္ဂမော. ယော ဝေဒနာယ။ ယော သညာယ။ ယော သင်္ခါရာနံ။ ယော ဝိညာဏဿ နိရောဓော ဝူပသမော အတ္ထင်္ဂမော၊ ဒုက္ခဿေသော နိရောဓော၊ ရောဂါနံ ဝူပသမော၊ ဇရာမရဏဿ အတ္ထင်္ဂမော’’တိ. ဒသမံ.

ဥပ္ပါဒသံယုတ္တံ သမတ္တံ.