၄၁-၄၅. အာရမ္မဏမူလကဂေါစရသုတ္တာဒိပဉ္စကံ

၇၀၂-၇၀၆. သာဝတ္ထိနိဒါနံ ။ ‘‘သမာဓိသ္မိံ အာရမ္မဏကုသလော ဟောတိ၊ န သမာဓိသ္မိံ ဂေါစရကုသလော။ သမာဓိသ္မိံ ဂေါစရကုသလော ဟောတိ၊ န သမာဓိသ္မိံ အာရမ္မဏကုသလော။ နေဝ သမာဓိသ္မိံ အာရမ္မဏကုသလော ဟောတိ၊ န စ သမာဓိသ္မိံ ဂေါစရကုသလော။ သမာဓိသ္မိံ အာရမ္မဏကုသလော စ ဟောတိ၊ သမာဓိသ္မိံ ဂေါစရကုသလော စ. တတြ၊ ဘိက္ခဝေ၊ ယွာယံ ဈာယီ။ပေ။ ဥတ္တမော စ ပဝရော စာ’’တိ. ဧကစတ္တာလီသမံ. (ပုရိမမူလကာနိ ဝိယ ယာဝ ပဉ္စစတ္တာလီသမာ အာရမ္မဏမူလကသပ္ပါယကာရီသုတ္တာ ပဉ္စ သုတ္တာနိ ပူရေတဗ္ဗာနိ. အာရမ္မဏမူလကံ.)