၇. ဒုတိယပရိပုစ္ဆိတသုတ္တံ

၁၁၉. သာဝတ္ထိနိဒါနံ. ‘‘တံ ကိံ မညထ၊ ဘိက္ခဝေ၊ ရူပံ ‘နေတံ မမ၊ နေသောဟမသ္မိ၊ န မေသော အတ္တာ’တိ သမနုပဿထာ’’တိ? ‘‘ဧဝံ၊ ဘန္တေ’’. ‘‘သာဓု ဘိက္ခဝေ! ရူပံ၊ ဘိက္ခဝေ၊ ‘နေတံ မမ၊ နေသောဟမသ္မိ၊ န မေသော အတ္တာ’တိ ဧဝမေတံ ယထာဘူတံ သမ္မပ္ပညာယ ဒဋ္ဌဗ္ဗံ. ဝေဒနံ။ သညံ။ သင်္ခါရေ။ ဝိညာဏံ ‘နေတံ မမ၊ နေသောဟမသ္မိ၊ န မေသော အတ္တာ’တိ သမနုပဿထာ’’တိ? ‘‘ဧဝံ၊ ဘန္တေ’’. ‘‘သာဓု ဘိက္ခဝေ! ဝိညာဏံ၊ ဘိက္ခဝေ၊ ‘နေတံ မမ၊ နေသောဟမသ္မိ၊ န မေသော အတ္တာ’တိ ဧဝမေတံ ယထာဘူတံ သမ္မပ္ပညာယ ဒဋ္ဌဗ္ဗံ။ပေ။ ဧဝံ။ပေ။ နာပရံ ဣတ္ထတ္တာယာတိ ပဇာနာတီ’’တိ. သတ္တမံ.