၇. အာဝဋ္ဋဟာရသမ္ပာတော

၆၉. တတ္ထ ကတမော အာဝဋ္ဋော ဟာရသမ္ပာတော?

‘‘တသ္မာ ရက္ခိတစိတ္တဿ၊ သမ္မာသင်္ကပ္ပဂေါစရော’’တိ ဂါထာ. ‘‘တသ္မာ ရက္ခိတစိတ္တဿ၊ သမ္မာသင်္ကပ္ပဂေါစရော’’တိ သမထော [အယံ သမထော (သီ. က.)]. ‘‘သမ္မာဒိဋ္ဌိပုရေက္ခာရော’’တိ ဝိပဿနာ. ‘‘ဉတွာန ဥဒယဗ္ဗယ’’န္တိ ဒုက္ခပရိညာ. ‘‘ထိနမိဒ္ဓါဘိဘူ ဘိက္ခူ’’တိ သမုဒယပဟာနံ. ‘‘သဗ္ဗာ ဒုဂ္ဂတိယော ဇဟေ’’တိ နိရောဓော [အယံ နိရောဓော (သီ. က.)]. ဣမာနိ စတ္တာရိ သစ္စာနိ.

နိယုတ္တော အာဝဋ္ဋော ဟာရသမ္ပာတော.