၂. တိဿမေတ္တေယျမာဏဝပုစ္ဆာ
၆၅. ‘‘ကောဓ သန္တုသိတော လောကေ၊ [ဣစ္စာယသ္မာ တိဿမေတ္တေယျော]
ကဿ နော သန္တိ ဣဉ္ဇိတာ၊
ကော ဥဘန္တမဘိညာယ၊ မဇ္ဈေ မန္တာ န လိပ္ပတိ [န ပိမ္ပတိ (ဗဟူသု)]၊
ကံ ဗြူသိ မဟာပုရိသောတိ၊ ကော ဣဓ သိဗ္ဗိနိမစ္စဂါ’’တိ [သိဗ္ဗနိမစ္စဂါ (သီ. သျာ.)].
၆၆. ‘‘ကာမေသု ဗြဟ္မစရိယဝါ၊ [မေတ္တေယျာတိ ဘဂဝါ]
ဝီတတဏှော သဒါ သတော၊
သင်္ခါယ နိဗ္ဗုတော ဘိက္ခု၊ တဿ နော သန္တိ ဣဉ္ဇိတာ.
၆၇. ‘‘သော ဥဘန္တမဘိညာယ၊ မဇ္ဈေ မန္တာ န လိပ္ပတိ၊
တံ ဗြူမိ မဟာပုရိသောတိ၊ သော ဣဓ သိဗ္ဗိနိမစ္စဂါ’’တိ.
တိဿမေတ္တေယျမာဏဝပုစ္ဆာ ဒုတိယာ.