၈. ဟေမကမာဏဝပုစ္ဆာ
၁၀၉. ‘‘ယေ မေ ပုဗ္ဗေ ဝိယာကံသု၊ [ဣစ္စာယသ္မာ ဟေမကော]
ဟုရံ ဂေါတမသာသနာ၊
ဣစ္စာသိ ဣတိ ဘဝိဿတိ၊ သဗ္ဗံ တံ ဣတိဟီတိဟံ၊
သဗ္ဗံ တံ တက္ကဝဍ္ဎနံ၊ နာဟံ တတ္ထ အဘိရမိံ.
၁၁၀. ‘‘တွဉ္စ မေ ဓမ္မမက္ခာဟိ၊ တဏှာနိဂ္ဃါတနံ မုနိ၊
ယံ ဝိဒိတွာ သတော စရံ၊ တရေ လောကေ ဝိသတ္တိကံ’’.
၁၁၁. ‘‘ဣဓ ဒိဋ္ဌသုတမုတဝိညာတေသု၊ ပိယရူပေသု ဟေမက၊
ဆန္ဒရာဂဝိနောဒနံ၊ နိဗ္ဗာနပဒမစ္စုတံ.
၁၁၂. ‘‘ဧတဒညာယ ယေ သတာ၊ ဒိဋ္ဌဓမ္မာဘိနိဗ္ဗုတာ၊
ဥပသန္တာ စ တေ သဒါ၊ တိဏ္ဏာ လောကေ ဝိသတ္တိက’’န္တိ.
ဟေမကမာဏဝပုစ္ဆာ အဋ္ဌမာ.