၅. ဘဂဝတော ဥပသမ္ပဒါပဉှော

၅. ရာဇာ အာဟ ‘‘ဘန္တေ နာဂသေန၊ ဥပသမ္ပဒါ သုန္ဒရာ’’တိ? ‘‘အာမ၊ မဟာရာဇ၊ ဥပသမ္ပဒါ သုန္ဒရာ’’တိ. ‘‘အတ္ထိ ပန၊ ဘန္တေ၊ ဗုဒ္ဓဿ ဥပသမ္ပဒါ၊ ဥဒါဟု နတ္ထီ’’တိ? ‘‘ဥပသမ္ပန္နော ခေါ၊ မဟာရာဇ၊ ဘဂဝါ ဗောဓိရုက္ခမူလေ သဟ သဗ္ဗညုတဉာဏေန၊ နတ္ထိ ဘဂဝတော ဥပသမ္ပဒါ အညေဟိ ဒိန္နာ၊ ယထာ သာဝကာနံ၊ မဟာရာဇ၊ ဘဂဝါ သိက္ခာပဒံ ပညပေတိ ယာဝဇီဝံ အနတိက္ကမနီယ’’န္တိ.

‘‘ကလ္လောသိ၊ ဘန္တေ နာဂသေနာ’’တိ.

ဘဂဝတော ဥပသမ္ပဒါပဉှော ပဉ္စမော.