၁၀. စိရကတသရဏပဉှော

၁၀. ရာဇာ အာဟ ‘‘ဘန္တေ နာဂသေန၊ ကေန အတီတံ စိရကတံ သရတီ’’တိ? ‘‘သတိယာ၊ မဟာရာဇာ’’တိ. ‘‘နနု၊ ဘန္တေ နာဂသေန၊ စိတ္တေန သရတိ နော သတိယာ’’တိ? ‘‘အဘိဇာနာသိ နု၊ တွံ မဟာရာဇ၊ ကိဉ္စိဒေဝ ကရဏီယံ ကတွာ ပမုဋ္ဌ’’န္တိ? ‘‘အာမ ဘန္တေ’’တိ. ‘‘ကိံ နု ခေါ၊ တွံ မဟာရာဇ၊ တသ္မိံ သမယေ အစိတ္တကော အဟောသီ’’တိ? ‘‘န ဟိ၊ ဘန္တေ၊ သတိ တသ္မိံ သမယေ နာဟောသီ’’တိ. ‘‘အထ ကသ္မာ၊ တွံ မဟာရာဇ၊ ဧဝမာဟ ‘စိတ္တေန သရတိ၊ နော သတိယာ’’’တိ?

‘‘ကလ္လောသိ၊ ဘန္တေ နာဂသေနာ’’တိ.

စိရကတသရဏပဉှော ဒသမော.