၃၀၅. သီလဝီမံသနဇာတကံ (၄-၁-၅)

၁၇. နတ္ထိ လောကေ ရဟော နာမ၊ ပါပကမ္မံ ပကုဗ္ဗတော၊

ပဿန္တိ ဝနဘူတာနိ၊ တံ ဗာလော မညတီ ရဟော.

၁၈. အဟံ ရဟော န ပဿာမိ၊ သုညံ ဝါပိ န ဝိဇ္ဇတိ၊

ယတ္ထ အညံ [သုညံ (သျာ. က.)] န ပဿာမိ၊ အသုညံ ဟောတိ တံ မယာ.

၁၉. ဒုဇ္ဇစ္စော စ သုဇစ္စော [အဇစ္စော (ပီ.)] စ၊ နန္ဒော စ သုခဝဍ္ဎိတော [သုခဝစ္ဆကော (သီ.)၊ သုခဝစ္ဆနော (သျာ. ပီ.)]၊

ဝေဇ္ဇော စ အဒ္ဓုဝသီလော [အထ သီလော (က.)] စ၊ တေ ဓမ္မံ ဇဟု မတ္ထိကာ.

၂၀. ဗြာဟ္မဏော စ ကထံ ဇဟေ၊ သဗ္ဗဓမ္မာန ပါရဂူ၊

ယော ဓမ္မမနုပါလေတိ၊ ဓိတိမာ သစ္စနိက္ကမောတိ.

သီလဝီမံသနဇာတကံ ပဉ္စမံ.