၂၆၇. ကက္ကဋကဇာတကံ (၃-၂-၇)

၄၉. သိင်္ဂီမိဂေါ အာယတစက္ခုနေတ္တော၊ အဋ္ဌိတ္တစော ဝါရိသယော အလောမော၊

တေနာဘိဘူတော ကပဏံ ရုဒါမိ၊ မာ ဟေဝ မံ ပါဏသမံ ဇဟေယျ [ဇဟေယျာ (ပီ.) ဇဟာ’ယျေ (?)].

၅၀. အယျ န တံ ဇဟိဿာမိ၊ ကုဉ္ဇရံ သဋ္ဌိဟာယနံ [ကုဉ္ဇရ သဋ္ဌိဟာယန (သီ. ပီ.)]၊

ပထဗျာ စာတုရန္တာယ၊ သုပ္ပိယော ဟောသိ မေ တုဝံ.

၅၁. ယေ ကုဠီရာ သမုဒ္ဒသ္မိံ၊ ဂင်္ဂါယ ယမုနာယ [နမ္မဒါယ (သီ. ပီ.)] စ၊

တေသံ တွံ ဝါရိဇော သေဋ္ဌော၊ မုဉ္စ ရောဒန္တိယာ ပတိန္တိ.

ကက္ကဋက [ကုဠီရ (က.)] ဇာတကံ သတ္တမံ.