၂၆၀. ဒူတဇာတကံ (၃-၁-၁၀)

၂၈. ယဿတ္ထာ ဒူရမာယန္တိ၊ အမိတ္တမပိ ယာစိတုံ၊

တဿူဒရဿဟံ ဒူတော၊ မာ မေ ကုဇ္ဈ [ကုဇ္ဈိ (သီ. ပီ.)] ရထေသဘ.

၂၉. ယဿ ဒိဝါ စ ရတ္တော စ၊ ဝသမာယန္တိ မာဏဝါ၊

တဿူဒရဿဟံ ဒူတော၊ မာ မေ ကုဇ္ဈ [ကုဇ္ဈိ (သီ. ပီ.)] ရထေသဘ.

၃၀. ဒဒါမိ တေ ဗြာဟ္မဏ ရောဟိဏီနံ၊ ဂဝံ သဟဿံ သဟ ပုင်္ဂဝေန၊

ဒူတော ဟိ ဒူတဿ ကထံ န ဒဇ္ဇံ၊ မယမ္ပိ တဿေဝ ဘဝါမ ဒူတာတိ.

ဒူတဇာတကံ ဒသမံ.

သင်္ကပ္ပဝဂ္ဂေါ ပဌမော.

တဿုဒ္ဒါနံ –

ဥသုကာရဝရော တိလမုဋ္ဌိ မဏိ၊ ဟယရာဇ ဝိဟင်္ဂမ အာသိဝိသော၊

ဇနသန္ဓ ကဟာပဏဝဿ ပုန၊ တိရိဋံ ပုန ဒူတဝရေန ဒသာတိ.