၁၁. အန္တဝဂ္ဂေါ
၁. အန္တသုတ္တဝဏ္ဏနာ
၁၀၃. အန္တဝဂ္ဂဿ ပဌမေ အန္တာတိ ကောဋ္ဌာသာ. ဣဒံ သုတ္တံ စတုသစ္စဝသေန ပဉ္စက္ခန္ဓေ ယောဇေတွာ အန္တောတိ ဝစနေန ဗုဇ္ဈနကာနံ အဇ္ဈာသယဝသေန ဝုတ္တံ. ပဌမံ.
၂-၃. ဒုက္ခသုတ္တာဒိဝဏ္ဏနာ
၁၀၄-၁၀၅. ဒုတိယမ္ပိ ပဉ္စက္ခန္ဓေ စတုသစ္စဝသေန ယောဇေတွာ ဒုက္ခန္တိ ဗုဇ္ဈနကာနံ အဇ္ဈာသယေန ကထိတံ. တတိယမ္ပိ တထေဝ သက္ကာယောတိ ဗုဇ္ဈနကာနံ အဇ္ဈာသယေန ကထိတံ. ဒုတိယတတိယာနိ.
၄. ပရိညေယျသုတ္တဝဏ္ဏနာ
၁၀၆. စတုတ္ထေ ပရိညေယျေတိ ပရိဇာနိတဗ္ဗေ သမတိက္ကမိတဗ္ဗေ. ပရိညန္တိ သမတိက္ကမံ. ပရိညာတာဝိန္တိ တာယ ပရိညာယ ပရိဇာနိတွာ သမတိက္ကမိတွာ ဌိတံ. ရာဂက္ခယောတိအာဒီဟိ နိဗ္ဗာနံ ဒဿိတံ. စတုတ္ထံ.
၅-၁၀. သမဏသုတ္တာဒိဝဏ္ဏနာ
၁၀၇-၁၁၂. ပဉ္စမာဒီသု စတူသု စတ္တာရိ သစ္စာနိ ကထိတာနိ. နဝမဒသမေသု ကိလေသပ္ပဟာနန္တိ. ပဉ္စမာဒီနိ.
အန္တဝဂ္ဂေါ ဧကာဒသမော.