၁၀. ဒုတိယပဇ္ဇုန္နဓီတုသုတ္တဝဏ္ဏနာ

၄၀. ဒသမေ ဓမ္မဉ္စာတိ စ သဒ္ဒေန သံဃဉ္စ၊ ဣတိ တီဏိ ရတနာနိ နမဿမာနာ ဣဓာဂတာတိ ဝဒတိ. အတ္ထဝတီတိ၊ အတ္ထဝတိယော. ဗဟုနာပိ ခေါ တန္တိ ယံ ဓမ္မံ သာ အဘာသိ၊ တံ ဓမ္မံ ဗဟုနာပိ ပရိယာယေန အဟံ ဝိဘဇေယျံ. တာဒိသော ဓမ္မောတိ၊ တာဒိသော ဟိ အယံ ဘဂဝါ ဓမ္မော၊ တံသဏ္ဌိတော တပ္ပဋိဘာဂေါ ဗဟူဟိ ပရိယာယေဟိ ဝိဘဇိတဗ္ဗယုတ္တကောတိ ဒဿေတိ. လပယိဿာမီတိ၊ ကထယိဿာမိ. ယာဝတာ မေ မနသာ ပရိယတ္တန္တိ ယတ္တကံ မယာ မနသာ ပရိယာပုဋံ၊ တဿတ္ထံ ဒိဝသံ အဝတွာ မဓုပဋလံ ပီဠေန္တီ ဝိယ မုဟုတ္တေနေဝ သံခိတ္တေန ကထေဿာမိ. သေသံ ဥတ္တာနမေဝါတိ. ဒသမံ.

သတုလ္လပကာယိကဝဂ္ဂေါ စတုတ္ထော.