၂. အဝိဝိတ္တကထာဝဏ္ဏနာ

၈၇၉-၈၈၀. ဣဒါနိ အဝိဝိတ္တကထာ နာမ ဟောတိ. တတ္ထ ယဿ ပုဂ္ဂလဿ ယော ဓမ္မော ပစ္စုပ္ပန္နော၊ သော တေန အဝိဝိတ္တော နာမာတိ ဣဒံ သကသမယေ သန္နိဋ္ဌာနံ. ယသ္မာ ပန ပုထုဇ္ဇနေန တေဓာတုကာ ဓမ္မာ အပရိညာတာ၊ တသ္မာ သော ဧကက္ခဏေယေဝ သဗ္ဗေဟိပိ တေဓာတုကေဟိ ဓမ္မေဟိ အဝိဝိတ္တောတိ ယေသံ လဒ္ဓိ၊ သေယျထာပိ တေသညေဝ၊ တေ သန္ဓာယ ပုစ္ဆာ သကဝါဒိဿ၊ ပဋိညာ ဣတရဿ. ဖဿေဟီတိအာဒိ သဗ္ဗေသံ ဖဿာဒီနံ ဧကက္ခဏေ ပဝတ္တိဒေါသဒဿနတ္ထံ ဝုတ္တံ. သေသံ သဗ္ဗတ္ထ ဥတ္တာနတ္ထမေဝါတိ.

အဝိဝိတ္တကထာဝဏ္ဏနာ.