၂. ဓမ္မဒေသနာကထာဝဏ္ဏနာ

၈၀၄-၈၀၆. ဣဒါနိ ဓမ္မဒေသနာကထာ နာမ ဟောတိ. တတ္ထ ‘‘တုသိတပုရေ ဌိတော ဘဂဝါ ဓမ္မဒေသနတ္ထာယ အဘိနိမ္မိတံ ပေသေသိ၊ တေန စေဝ တဿ စ ဒေသနံ သမ္ပဋိစ္ဆိတွာ အာယသ္မတာ အာနန္ဒေန ဓမ္မော ဒေသိတော၊ န ဗုဒ္ဓေန ဘဂဝတာ’’တိ ယေသံ လဒ္ဓိ၊ သေယျထာပိ ဝေတုလ္လကာနညေဝ၊ တေ သန္ဓာယ ပုစ္ဆာ သကဝါဒိဿ၊ ပဋိညာ ဣတရဿ. အထ နံ ‘‘ယဒိ တေန ဓမ္မော ဒေသိတော၊ သွေဝ သတ္ထာ ဘဝေယျာ’’တိ စောဒေတုံ အဘိနိမ္မိတော ဇိနောတိအာဒိမာဟ. ဣတရော တထာ အသမ္ပဋိစ္ဆန္တော ပဋိက္ခိပတိ. သေသမေတ္ထ ဥတ္တာနတ္ထမေဝါတိ.

ဓမ္မဒေသနာကထာဝဏ္ဏနာ.