၈. ရူပံ ဝိပါကောတိကထာဝဏ္ဏနာ

၇၆၅-၇၆၇. ဣဒါနိ ရူပံ ဝိပါကောတိကထာ နာမ ဟောတိ. တတ္ထ ယံ ကမ္မဿ ကတတ္တာ ဥပ္ပန္နာ စိတ္တစေတသိကာ ဝိယ ကမ္မဿ ကတတ္တာ ဥပ္ပန္နံ တံ ရူပမ္ပိ ဝိပါကောတိ ယေသံ လဒ္ဓိ၊ သေယျထာပိ အန္ဓကာနဉ္စေဝ သမ္မိတိယာနဉ္စ၊ တေ သန္ဓာယ ပုစ္ဆာ သကဝါဒိဿ၊ ပဋိညာ ဣတရဿ. အထ နံ ‘‘ယဒိ တေ ရူပံ ဝိပါကော၊ ဧဝံဝိဓေန အနေန ဘဝိတဗ္ဗ’’န္တိ စောဒေတုံ သုခဝေဒနီယန္တိအာဒိမာဟ. သေသံ ယထာပါဠိမေဝ နိယျာတီတိ.

ရူပံ ဝိပါကောတိကထာဝဏ္ဏနာ.