၉. ရူပံ ရူပါဝစရာရူပါဝစရန္တိကထာဝဏ္ဏနာ

၇၆၈-၇၇၀. ဣဒါနိ ရူပံ ရူပါဝစရာရူပါဝစရန္တိကထာ နာမ ဟောတိ. တတ္ထ ယံ ကာမာဝစရကမ္မဿ ကတတ္တာ ရူပံ၊ တံ ယသ္မာ ကာမာဝစရံ၊ တသ္မာ ရူပါဝစရာရူပါဝစရကမ္မာနမ္ပိ ကတတ္တာ ရူပေန ရူပါဝစရာရူပါဝစရေန ဘဝိတဗ္ဗန္တိ ယေသံ လဒ္ဓိ၊ သေယျထာပိ အန္ဓကာနံ၊ တေ သန္ဓာယ အတ္ထိ ရူပံ ရူပါဝစရာရူပါဝစရန္တိ ပုစ္ဆာ သကဝါဒိဿ၊ ပဋိညာ ဣတရဿ. သေသမေတ္ထ ဟေဋ္ဌာ ဝုတ္တနယမေဝါတိ.

ရူပံ ရူပါဝစရာရူပါဝစရန္တိကထာဝဏ္ဏနာ.