၁. ပစ္စယတာကထာဝဏ္ဏနာ

၇၁၁-၇၁၇. ဣဒါနိ ပစ္စယတာကထာ နာမ ဟောတိ. တတ္ထ ယော ဓမ္မော ဟေတုပစ္စယေန ပစ္စယော၊ သော ယေသံ ဟေတုပစ္စယေန ပစ္စယော၊ တေသညေဝ ယသ္မာ အာရမ္မဏာနန္တရသမနန္တရပစ္စယေန ပစ္စယော န ဟောတိ၊ ယော ဝါ အာရမ္မဏပစ္စယေန ပစ္စယော၊ သော ယသ္မာ တေသံယေဝ အနန္တရသမနန္တရပစ္စယေန ပစ္စယော န ဟောတိ၊ တသ္မာ ပစ္စယတာ ဝဝတ္ထိတာတိ ယေသံ လဒ္ဓိ၊ သေယျထာပိ မဟာသံဃိကာနံ၊ တေ သန္ဓာယ ပုစ္ဆာ သကဝါဒိဿ၊ ပဋိညာ ဣတရဿ. သေသမေတ္ထ ယထာပါဠိမေဝ နိယျာတီတိ.

ပစ္စယတာကထာဝဏ္ဏနာ.