၁၀. ဒုပ္ပဋိဝိနောဒယသုတ္တဝဏ္ဏနာ

၁၆၀. ဒသမေ ဒုပ္ပဋိဝိနောဒယာတိ ယာနိ ဟဿာဒီနိ ကိစ္စာနိ နိပ္ဖါဒေတုံ ဌာနာနိ ဥပ္ပန္နာနိ ဟောန္တိ၊ တေသု မတ္ထကံ အသမ္ပတ္တေသု အန္တရာယေဝ ဒုန္နီဟာရာ ဒုဝိက္ခမ္ဘယာ ဟောန္တိ. ပဋိဘာနန္တိ ကထေတုကာမတာ ဝုစ္စတိ. ဣမာနိ ပဉ္စ ဒုပ္ပဋိဝိနောဒယာနိ၊ န သုပ္ပဋိဝိနောဒယာနိ. ဥပါယေန ပန ကာရဏေန အနုရူပါဟိ ပစ္စဝေက္ခဏအနုသာသနာဒီဟိ သက္ကာ ပဋိဝိနောဒေတုန္တိ.

သဒ္ဓမ္မဝဂ္ဂေါ ပဌမော.