၇. ဝပကာသသုတ္တဝဏ္ဏနာ

၁၂၇. သတ္တမေ နာလံ သံဃမှာ ဝပကာသိတုန္တိ သင်္ဃတော နိက္ခမိတွာ ဧကကော ဝသိတုံ န ယုတ္တော. ကာမဉ္စေသ သံဃမဇ္ဈေပိ ဝသိတုံ အယုတ္တောဝ အသံဃသောဘနတာယ၊ ဩဝါဒါနုသာသနိပ္ပဋိဗဒ္ဓတ္တာ ပန နိပ္ပရိယာယေနေဝ သံဃမှာ ဝပကာသိတုံ န ယုတ္တော. အလံ သံဃမှာ ဝပကာသိတုန္တိ စာတုဒ္ဒိသတ္တာ သံဃမှာ နိက္ခမ္မ ဧကကော ဝသိတုံ ယုတ္တော၊ သံဃသောဘနတာယ ပန သံဃေပိ ဝသိတုံ ယုတ္တောယေဝ. အဋ္ဌမံ ဥတ္တာနတ္ထမေဝ.