၅. ဖာသုဝိဟာရသုတ္တဝဏ္ဏနာ

၁၀၅. ပဉ္စမေ မေတ္တံ ကာယကမ္မန္တိ မေတ္တစိတ္တေန ပဝတ္တိတံ ကာယကမ္မံ. အာဝိ စေဝ ရဟော စာတိ သမ္မုခေ စေဝ ပရမ္မုခေ စ. ဣတရေသုပိ ဧသေဝ နယော. ယာနိ တာနိ သီလာနီတိအာဒိ စတုပါရိသုဒ္ဓိသီလဝသေန ဝုတ္တံ. သမာဓိသံဝတ္တနိကာနီတိ မဂ္ဂသမာဓိဖလသမာဓိနိဗ္ဗတ္တကာနိ. သီလသာမညဂတောတိ သမာနသီလတံ ဂတော၊ ဧကသဒိသသီလော ဟုတွာတိ အတ္ထော. တက္ကရဿာတိ ယော နံ ကရောတိ၊ တဿ. ဣတိ ဣမသ္မိံ သုတ္တေ သီလံ မိဿကံ ကထိတံ၊ ဒိဋ္ဌိ ဝိပဿနာသမ္မာဒိဋ္ဌီတိ.