၁၀. စတုတ္ထအနာဂတဘယသုတ္တဝဏ္ဏနာ

၈၀. ဒသမေ ကလျာဏကာမာတိ သုန္ဒရကာမာ. ရသဂ္ဂါနီတိ ဥတ္တမရသာနိ. သံသဋ္ဌာ ဝိဟရိဿန္တီတိ ပဉ္စဝိဓေန သံသဂ္ဂေန သံသဋ္ဌာ ဝိဟရိဿန္တိ. သန္နိဓိကာရပရိဘောဂန္တိ သန္နိဓိကတဿ ပရိဘောဂံ. ဩဠာရိကမ္ပိ နိမိတ္တန္တိ ဧတ္ထ ပထဝိံ ခဏန္တောပိ ခဏာဟီတိ အာဏာပေန္တောပိ ပထဝိယံ ဩဠာရိကံ နိမိတ္တံ ကရောတိ နာမ. တိဏကဋ္ဌသာခါပလာသံ ဆိန္ဒန္တောပိ ဆိန္ဒာတိ အာဏာပေန္တောပိ ဟရိတဂ္ဂေ ဩဠာရိကံ နိမိတ္တံ ကရောတိ နာမ. အာဇီဝတ္ထာယ ပဏ္ဏနိဝါပအာဒီနိ ဂါဟာပေန္တော ဖလာနိ ဩစိနန္တေ ဝါ ဩစိနာပေန္တေန ဝတ္တဗ္ဗမေဝ နတ္ထိ. ဣမေသု စတူသု သုတ္တေသု သတ္ထာရာ သာသနေ ဝုဒ္ဓိပရိဟာနိ ကထိတာတိ.

ယောဓာဇီဝဝဂ္ဂေါ တတိယော.