၄-၇. ပါဏာတိပါတီသုတ္တာဒိဝဏ္ဏနာ

၂၁၄-၂၁၇. စတုတ္ထံ စတုန္နံ ကမ္မကိလေသာနံ တပ္ပဋိပက္ခဿ စ ဝသေန ဝုတ္တံ၊ ပဉ္စမံ သုက္ကပက္ခာနံ အာဒိတော စတုန္နံ မိစ္ဆတ္တာနံ ဝသေန၊ ဆဋ္ဌံ အဝသေသာနံ စတုန္နံ၊ သတ္တမံ အနရိယဝေါဟာရအရိယဝေါဟာရာနံ. တထာ အဋ္ဌမနဝမဒသမာနိ သပ္ပဋိပက္ခာနံ အဿဒ္ဓမ္မာနံ ဝသေန ဝုတ္တာနိ. သဗ္ဗသုတ္တေသု ပန သုက္ကပက္ခဓမ္မာ လောကိယလောကုတ္တရမိဿကာဝ ကထိတာ. နဝသု သုတ္တေသု ကိဉ္စာပိ ‘‘သဂ္ဂေ’’တိ ဝုတ္တံ၊ တယော ပန မဂ္ဂါ တီဏိ စ ဖလာနိ လဗ္ဘန္တိယေဝါတိ.

ပရိသာဝဂ္ဂေါ ဒုတိယော.