၇-၁၀. ပါပဓမ္မသုတ္တစတုက္ကဝဏ္ဏနာ

၂၀၇-၂၁၀. သတ္တမေ ပါပန္တိ လာမကံ သံကိလိဋ္ဌပုဂ္ဂလံ. ကလျာဏန္တိ ဘဒ္ဒကံ အနဝဇ္ဇပုဂ္ဂလံ. သေသမေတ္ထ ဥတ္တာနတ္ထမေဝ. အဋ္ဌမေပိ ဧသေဝ နယော. နဝမေ ပါပဓမ္မန္တိ လာမကဓမ္မံ. ကလျာဏဓမ္မန္တိ အနဝဇ္ဇဓမ္မံ. သေသမေတ္ထ ဥတ္တာနတ္ထမေဝ. ဒသမေပိ ဧသေဝ နယော. ဣမသ္မိံ ဝဂ္ဂေ ဒသသုပိ သုတ္တေသု အဂါရိယပ္ပဋိပဒါ ကထိတာ. သစေပိ သောတာပန္နသကဒါဂါမိနော ဟောန္တိ၊ ဝဋ္ဋတိယေဝါတိ.

သပ္ပုရိသဝဂ္ဂေါ ပဌမော.