၃. သပ္ပုရိသသုတ္တဝဏ္ဏနာ

၇၃. တတိယေ အဝဏ္ဏောတိ အဂုဏော. ပါတု ကရောတီတိ ကထေတိ၊ ပါကဋံ ကရောတိ. ပဉှာဘိနီတောတိ ပဉှတ္ထာယ အဘိနီတော. အဟာပေတွာ အလမ္ဗိတွာတိ အပရိဟီနံ အလမ္ဗိတံ ကတွာ. ဧတ္ထ စ အသပ္ပုရိသော ပါပိစ္ဆတာယ အတ္တနော အဝဏ္ဏံ ဆာဒေတိ၊ သပ္ပုရိသော လဇ္ဇိတာယ အတ္တနော ဝဏ္ဏံ. ဣဒါနိ ယသ္မာ အသပ္ပုရိသော ဟိရောတ္တပ္ပရဟိတော သံဝါသေန အဝဇာနာတိ၊ သပ္ပုရိသော ပန ဟိရောတ္တပ္ပသမန္နာဂတော သံဝါသေနာပိ နာဝဇာနာတိ. တသ္မာ အသပ္ပုရိသဘာဝသာဓကံ အဓုနာဂတဝဓုကောပမ္မံ ဒဿေတုံ သေယျထာပိ၊ ဘိက္ခဝေ၊ ဝဓုကာတိအာဒိမာဟ. တတ္ထ ဝဓုကာတိ သုဏိသာ. တိဗ္ဗန္တိ ဗဟလံ. သေသမေတ္ထ ဥတ္တာနတ္ထမေဝါတိ.