၁၀. ဂိဟိသာမီစိသုတ္တဝဏ္ဏနာ

၆၀. ဒသမေ ဂိဟိသာမီစိပဋိပဒန္တိ ဂိဟီနံ အနုစ္ဆဝိကံ ပဋိပတ္တိံ. ပစ္စုပဋ္ဌိတော ဟောတီတိ အတိဟရိတွာ ဒါတုကာမတာယ ပတိဥပဋ္ဌိတော ဟောတိ ဥပဂတော၊ ဘိက္ခုသံဃဿ စီဝရံ ဒေတီတိ အတ္ထော.

ဥပဋ္ဌိတာတိ ဥပဋ္ဌာယကော. တေသံ ဒိဝါ စ ရတ္တော စာတိ ယေ ဧဝံ စတူဟိ ပစ္စယေဟိ ဥပဋ္ဌဟန္တိ၊ တေသံ ဒိဝါ စ ရတ္တိဉ္စ ပရိစ္စာဂဝသေန စ အနုဿရဏဝသေန စ သဒါ ပုညံ ပဝဍ္ဎတိ. သဂ္ဂဉ္စ ကမတိဋ္ဌာနန္တိ တာဒိသော စ ဘဒ္ဒကံ ကမ္မံ ကတွာ သဂ္ဂဋ္ဌာနံ ဥပဂစ္ဆတိ. ဣမေသု စတူသုပိ သုတ္တေသု အာဂါရိယပဋိပဒါ ကထိတာ. သောတာပန္နသကဒါဂါမီနမ္ပိ ဝဋ္ဋတိ.

ပုညာဘိသန္ဒဝဂ္ဂေါ ပဌမော.