(၃) နိရောဓုပ္ပန္နဝါရော

၆၅. (က) ယဿ စိတ္တံ နိရုဇ္ဈတိ တဿ စိတ္တံ ဥပ္ပန္နန္တိ? အာမန္တာ.

(ခ) ယဿ ဝါ ပန စိတ္တံ ဥပ္ပန္နံ တဿ စိတ္တံ နိရုဇ္ဈတီတိ?

စိတ္တဿ ဥပ္ပါဒက္ခဏေ တေသံ စိတ္တံ ဥပ္ပန္နံ၊ နော စ တေသံ စိတ္တံ နိရုဇ္ဈတိ. စိတ္တဿ ဘင်္ဂက္ခဏေ တေသံ စိတ္တံ ဥပ္ပန္နဉ္စေဝ နိရုဇ္ဈတိ စ.

(က) ယဿ စိတ္တံ န နိရုဇ္ဈတိ တဿ စိတ္တံ န ဥပ္ပန္နန္တိ?

စိတ္တဿ ဥပ္ပါဒက္ခဏေ တေသံ စိတ္တံ န နိရုဇ္ဈတိ၊ နော စ တေသံ စိတ္တံ န ဥပ္ပန္နံ. နိရောဓသမာပန္နာနံ အသညသတ္တာနံ တေသံ စိတ္တံ န စေဝ နိရုဇ္ဈတိ န စ ဥပ္ပန္နံ.

(ခ) ယဿ ဝါ ပန စိတ္တံ န ဥပ္ပန္နံ တဿ စိတ္တံ န နိရုဇ္ဈတီတိ? အာမန္တာ.