(၃) နိရောဓုပ္ပန္နဝါရော

၁၀၇. (က) ယဿ ယံ စိတ္တံ နိရုဇ္ဈတိ တဿ တံ စိတ္တံ ဥပ္ပန္နန္တိ? အာမန္တာ.

(ခ) ယဿ ဝါ ပန ယံ စိတ္တံ ဥပ္ပန္နံ တဿ တံ စိတ္တံ နိရုဇ္ဈတီတိ?

ဥပ္ပါဒက္ခဏေ စိတ္တံ ဥပ္ပန္နံ၊ နော စ တဿ တံ စိတ္တံ နိရုဇ္ဈတိ. ဘင်္ဂက္ခဏေ စိတ္တံ ဥပ္ပန္နဉ္စေဝ နိရုဇ္ဈတိ စ.

(က) ယဿ ယံ စိတ္တံ န နိရုဇ္ဈတိ တဿ တံ စိတ္တံ န ဥပ္ပန္နန္တိ?

ဥပ္ပါဒက္ခဏေ စိတ္တံ န နိရုဇ္ဈတိ၊ နော စ တဿ တံ စိတ္တံ န ဥပ္ပန္နံ. အတီတာနာဂတံ စိတ္တံ န စေဝ နိရုဇ္ဈတိ န စ ဥပ္ပန္နံ.

(ခ) ယဿ ဝါ ပန ယံ စိတ္တံ န ဥပ္ပန္နံ တဿ တံ စိတ္တံ န နိရုဇ္ဈတီတိ? အာမန္တာ.