(၉) နိရုဇ္ဈမာနုပ္ပန္နဝါရော

၉၈. (က) ယံ စိတ္တံ နိရုဇ္ဈမာနံ တံ စိတ္တံ ဥပ္ပန္နန္တိ? အာမန္တာ.

(ခ) ယံ ဝါ ပန စိတ္တံ ဥပ္ပန္နံ တံ စိတ္တံ နိရုဇ္ဈမာနန္တိ?

ဥပ္ပါဒက္ခဏေ စိတ္တံ ဥပ္ပန္နံ၊ နော စ တံ စိတ္တံ နိရုဇ္ဈမာနံ. ဘင်္ဂက္ခဏေ စိတ္တံ ဥပ္ပန္နဉ္စေဝ နိရုဇ္ဈမာနဉ္စ.

(က) ယံ စိတ္တံ န နိရုဇ္ဈမာနံ တံ စိတ္တံ န ဥပ္ပန္နန္တိ?

ဥပ္ပါဒက္ခဏေ စိတ္တံ န နိရုဇ္ဈမာနံ၊ နော စ တံ စိတ္တံ န ဥပ္ပန္နံ. အတီတာနာဂတံ စိတ္တံ န စေဝ နိရုဇ္ဈမာနံ န စ ဥပ္ပန္နံ.

(ခ) ယံ ဝါ ပန စိတ္တံ န ဥပ္ပန္နံ တံ စိတ္တံ န နိရုဇ္ဈမာနန္တိ? အာမန္တာ.