(၁) ဥပ္ပါဒနိရောဓကာလသမ္ဘေဒဝါရော

၈၄. (က) ယံ စိတ္တံ ဥပ္ပဇ္ဇတိ န နိရုဇ္ဈတိ တံ စိတ္တံ နိရုဇ္ဈိဿတိ န ဥပ္ပဇ္ဇိဿတီတိ? အာမန္တာ.

(ခ) ယံ ဝါ ပန စိတ္တံ နိရုဇ္ဈိဿတိ န ဥပ္ပဇ္ဇိဿတိ တံ စိတ္တံ ဥပ္ပဇ္ဇတိ န နိရုဇ္ဈတီတိ? အာမန္တာ.

(က) ယံ စိတ္တံ န ဥပ္ပဇ္ဇတိ နိရုဇ္ဈတိ တံ စိတ္တံ န နိရုဇ္ဈိဿတိ ဥပ္ပဇ္ဇိဿတီတိ? နော.

(ခ) ယံ ဝါ ပန စိတ္တံ န နိရုဇ္ဈိဿတိ ဥပ္ပဇ္ဇိဿတိ တံ စိတ္တံ န ဥပ္ပဇ္ဇတိ နိရုဇ္ဈတီတိ? နတ္ထိ.