(၁) ရူပဒုကံ

၁၀၄၃. ပဉ္စန္နံ ခန္ဓာနံ ကတိ ရူပါ၊ ကတိ အရူပါ။ပေ။ သတ္တန္နံ စိတ္တာနံ ကတိ ရူပါ၊ ကတိ အရူပါ?

ရူပက္ခန္ဓော ရူပံ. စတ္တာရော ခန္ဓာ အရူပါ. ဒသာယတနာ ရူပါ. မနာယတနံ အရူပံ. ဓမ္မာယတနံ သိယာ ရူပံ၊ သိယာ အရူပံ. ဒသ ဓာတုယော ရူပါ. သတ္တ ဓာတုယော အရူပါ. ဓမ္မဓာတု သိယာ ရူပါ၊ သိယာ အရူပါ. တီဏိ သစ္စာနိ အရူပါ. ဒုက္ခသစ္စံ သိယာ ရူပံ၊ သိယာ အရူပံ. သတ္တိန္ဒြိယာ ရူပါ. စုဒ္ဒသိန္ဒြိယာ အရူပါ. ဇီဝိတိန္ဒြိယံ သိယာ ရူပံ၊ သိယာ အရူပံ. နဝ ဟေတူ အရူပါ. ကဗဠီကာရော အာဟာရော ရူပံ. တယော အာဟာရာ အရူပါ. သတ္တ ဖဿာ အရူပါ. သတ္တ ဝေဒနာ။ သတ္တ သညာ။ သတ္တ စေတနာ သတ္တ စိတ္တာ အရူပါ.