(၆၇) မိစ္ဆာမာနော

၈၈၄. တတ္ထ ကတမော မိစ္ဆာမာနော? ဣဓေကစ္စော ပါပကေန ဝါ ကမ္မာယတနေန ပါပကေန ဝါ သိပ္ပါယတနေန ပါပကေန ဝါ ဝိဇ္ဇာဋ္ဌာနေန ပါပကေန ဝါ သုတေန ပါပကေန ဝါ ပဋိဘာနေန ပါပကေန ဝါ သီလေန ပါပကေန ဝါ ဝတေန ပါပကေန ဝါ သီလဗ္ဗတေန ပါပိကာယ ဝါ ဒိဋ္ဌိယာ အညတရညတရေန ဝတ္ထုနာ မာနံ ဇပ္ပေတိ၊ ယော ဧဝရူပေါ မာနော မညနာ မညိတတ္တံ ဥန္နတိ ဥန္နာမော ဓဇော သမ္ပဂ္ဂါဟော ကေတုကမျတာ စိတ္တဿ – အယံ ဝုစ္စတိ ‘‘မိစ္ဆာမာနော’’.