(၅၄) သေယျဿ ဟီနောဟမသ္မီတိ မာနော

၈၇၁. တတ္ထ ကတမော သေယျဿ ဟီနောဟမသ္မီတိ မာနော? ဣဓေကစ္စော သေယျော ဟောတိ ဇာတိယာ ဝါ ဂေါတ္တေန ဝါ ကောလပုတ္တိယေန ဝါ ဝဏ္ဏပေါက္ခရတာယ ဝါ ဓနေန ဝါ အဇ္ဈေနေန ဝါ ကမ္မာယတနေန ဝါ သိပ္ပါယတနေန ဝါ ဝိဇ္ဇာဋ္ဌာနေန ဝါ သုတေန ဝါ ပဋိဘာနေန ဝါ အညတရညတရေန ဝတ္ထုနာ ပရေဟိ ဟီနံ အတ္တာနံ ဒဟတိ၊ သော တံ နိဿာယ ဩမာနံ ဇပ္ပေတိ. ယော ဧဝရူပေါ ဩမာနော ဩမညနာ ဩမညိတတ္တံ ဟီဠနာ ဩဟီဠနာ ဩဟီဠိတတ္တံ အတ္တုညာ အတ္တဝညာ အတ္တပရိဘဝေါ – အယံ ဝုစ္စတိ ‘‘သေယျဿ ဟီနောဟမသ္မီတိ မာနော’’.