(၅၂) သေယျဿ သေယျောဟမသ္မီတိ မာနော

၈၆၉. တတ္ထ ကတမော သေယျဿ သေယျောဟမသ္မီတိ မာနော? ဣဓေကစ္စော သေယျော ဟောတိ ဇာတိယာ ဝါ ဂေါတ္တေန ဝါ ကောလပုတ္တိယေန ဝါ ဝဏ္ဏပေါက္ခရတာယ ဝါ ဓနေန ဝါ အဇ္ဈေနေန ဝါ ကမ္မာယတနေန ဝါ သိပ္ပါယတနေန ဝါ ဝိဇ္ဇာဋ္ဌာနေန ဝါ သုတေန ဝါ ပဋိဘာနေန ဝါ အညတရညတရေန ဝတ္ထုနာ ပရေဟိ သေယျံ အတ္တာနံ ဒဟတိ၊ သော တံ နိဿာယ မာနံ ဇပ္ပေတိ. ယော ဧဝရူပေါ မာနော မညနာ မညိတတ္တံ ဥန္နတိ ဥန္နာမော ဓဇော သမ္ပဂ္ဂါဟော ကေတုကမျတာ စိတ္တဿ – အယံ ဝုစ္စတိ ‘‘သေယျဿ သေယျောဟမသ္မီတိ မာနော’’.