(၂-၂၇) ဂေါတ္တမဒါဒီ

၈၄၄. တတ္ထ ကတမော ဂေါတ္တမဒေါ? ဂေါတ္တံ ပဋိစ္စ။ပေ။ အာရောဂျံ ပဋိစ္စ။ပေ။ ယောဗ္ဗနံ ပဋိစ္စ။ပေ။ ဇီဝိတံ ပဋိစ္စ။ပေ။ လာဘံ ပဋိစ္စ။ပေ။ သက္ကာရံ ပဋိစ္စ။ပေ။ ဂရုကာရံ ပဋိစ္စ။ပေ။ ပုရေက္ခာရံ ပဋိစ္စ။ပေ။ ပရိဝါရံ ပဋိစ္စ။ပေ။ ဘောဂံ ပဋိစ္စ။ပေ။ ဝဏ္ဏံ ပဋိစ္စ။ပေ။ သုတံ ပဋိစ္စ။ပေ။ ပဋိဘာနံ ပဋိစ္စ။ပေ။ ရတ္တညုတံ ပဋိစ္စ။ပေ။ ပိဏ္ဍပါတိကတ္တံ ပဋိစ္စ။ပေ။ အနဝညာတံ ပဋိစ္စ။ပေ။ ဣရိယာပထံ ပဋိစ္စ။ပေ။ ဣဒ္ဓိံ ပဋိစ္စ။ပေ။ ယသံ ပဋိစ္စ။ပေ။ သီလံ ပဋိစ္စ။ပေ။ ဈာနံ ပဋိစ္စ။ပေ။ သိပ္ပံ ပဋိစ္စ။ပေ။ အာရောဟံ ပဋိစ္စ။ပေ။ ပရိဏာဟံ ပဋိစ္စ။ပေ။ သဏ္ဌာနံ ပဋိစ္စ။ပေ။ ပါရိပူရိံ ပဋိစ္စ မဒေါ မဇ္ဇနာ မဇ္ဇိတတ္တံ မာနော မညနာ မညိတတ္တံ ဥန္နတိ ဥန္နာမော ဓဇော သမ္ပဂ္ဂါဟော ကေတုကမျတာ စိတ္တဿ – အယံ ဝုစ္စတိ ‘‘ပါရိပူရိမဒေါ’’.