၃. တိကမာတိကာ

၈၃၄. (၁) တီဏိ အကုသလမူလာနိ (၂) တယော အကုသလဝိတက္ကာ (၃) တိဿော အကုသလသညာ (၄) တိဿော အကုသလဓာတုယော (၅) တီဏိ ဒုစ္စရိတာနိ (၆) တယော အာသဝါ (၇) တီဏိ သံယောဇနာနိ (၈) တိဿော တဏှာ (၉) အပရာပိ တိဿော တဏှာ (၁၀) အပရာပိ တိဿော တဏှာ (၁၁) တိဿော ဧသနာ (၁၂) တိဿော ဝိဓာ (၁၃) တီဏိ ဘယာနိ (၁၄)တီဏိ တမာနိ (၁၅) တီဏိ တိတ္ထာယတနာနိ (၁၆) တယော ကိဉ္စနာ (၁၇) တီဏိ အင်္ဂဏာနိ (၁၈) တီဏိ မလာနိ (၁၉) တီဏိ ဝိသမာနိ (၂၀) အပရာနိပိ တီဏိ ဝိသမာနိ (၂၁) တယော အဂ္ဂီ (၂၂) တယော ကသာဝါ (၂၃) အပရေပိ တယော ကသာဝါ (၂၄)အဿာဒဒိဋ္ဌိ၊ အတ္တာနုဒိဋ္ဌိ၊ မိစ္ဆာဒိဋ္ဌိ (၂၅) အရတိ၊ ဝိဟေသာ၊ အဓမ္မစရိယာ (၂၆)ဒေါဝစဿတာ၊ ပါပမိတ္တတာ၊ နာနတ္တသညာ (၂၇) ဥဒ္ဓစ္စံ၊ ကောသဇ္ဇံ၊ ပမာဒေါ (၂၈) အသန္တုဋ္ဌိတာ၊ အသမ္ပဇညတာ၊ မဟိစ္ဆတာ (၂၉) အဟိရိကံ၊ အနောတ္တပ္ပံ၊ ပမာဒေါ (၃၀)အနာဒရိယံ၊ ဒေါဝစဿတာ၊ ပါပမိတ္တတာ (၃၁) အဿဒ္ဓိယံ၊ အဝဒညုတာ၊ ကောသဇ္ဇံ (၃၂) ဥဒ္ဓစ္စံ၊ အသံဝရော၊ ဒုဿီလျံ (၃၃) အရိယာနံ အဒဿနကမျတာ၊ သဒ္ဓမ္မံ အသောတုကမျတာ၊ ဥပါရမ္ဘစိတ္တတာ (၃၄) မုဋ္ဌဿစ္စံ၊ အသမ္ပဇညံ၊ စေတသော ဝိက္ခေပေါ (၃၅)အယောနိသော မနသိကာရော၊ ကုမ္မဂ္ဂသေဝနာ၊ စေတသော စ လီနတ္တံ

တိကံ.