၁-၇. ပဋိစ္စဝါရာဒိ
ပစ္စယစတုက္ကံ
၇၂. သပ္ပစ္စယံ ဟေတုံ ဓမ္မံ ပဋိစ္စ သပ္ပစ္စယော ဟေတု ဓမ္မော ဥပ္ပဇ္ဇတိ ဟေတုပစ္စယာ. (သဗ္ဗတ္ထ ဧကံ.)
သပ္ပစ္စယံ နဟေတုံ ဓမ္မံ ပဋိစ္စ သပ္ပစ္စယော နဟေတု ဓမ္မော ဥပ္ပဇ္ဇတိ ဟေတုပစ္စယာ. (သဗ္ဗတ္ထ ဧကံ.)
၇၃. သင်္ခတံ ဟေတုံ ဓမ္မံ ပဋိစ္စ သင်္ခတော ဟေတု ဓမ္မော ဥပ္ပဇ္ဇတိ ဟေတုပစ္စယာ. (သဗ္ဗတ္ထ ဧကံ.)
သင်္ခတံ နဟေတုံ ဓမ္မံ ပဋိစ္စ သင်္ခတော နဟေတု ဓမ္မော ဥပ္ပဇ္ဇတိ ဟေတုပစ္စယာ. (သဗ္ဗတ္ထ ဧကံ).
၇၄. အနိဒဿနံ ဟေတုံ ဓမ္မံ ပဋိစ္စ အနိဒဿနော ဟေတု ဓမ္မော ဥပ္ပဇ္ဇတိ ဟေတုပစ္စယာ. (သဗ္ဗတ္ထ ဧကံ.)
အနိဒဿနံ နဟေတုံ ဓမ္မံ ပဋိစ္စ အနိဒဿနော နဟေတု ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.)
ဟေတုယာ တီဏိ၊ အာရမ္မဏေ ဧကံ။ပေ။ အဝိဂတေ တီဏိ. (သံခိတ္တံ.)
၇၅. အပ္ပဋိဃံ ဟေတုံ ဓမ္မံ ပဋိစ္စ သပ္ပဋိဃော ဟေတု ဓမ္မော ဥပ္ပဇ္ဇတိ ဟေတုပစ္စယာ. (သဗ္ဗတ္ထ ဧကံ.)
သပ္ပဋိဃံ နဟေတုံ ဓမ္မံ ပဋိစ္စ သပ္ပဋိဃော နဟေတု ဓမ္မော ဥပ္ပဇ္ဇတိ ဟေတုပစ္စယာ။ တီဏိ.
အပ္ပဋိဃံ နဟေတုံ ဓမ္မံ ပဋိစ္စ အပ္ပဋိဃော နဟေတု ဓမ္မော ဥပ္ပဇ္ဇတိ ဟေတုပစ္စယာ။ တီဏိ.
သပ္ပဋိဃံ နဟေတုဉ္စ အပ္ပဋိဃံ နဟေတုဉ္စ ဓမ္မံ ပဋိစ္စ သပ္ပဋိဃော နဟေတု ဓမ္မော ဥပ္ပဇ္ဇတိ ဟေတုပစ္စယာ။ တီဏိ. (သံခိတ္တံ.)
ဟေတုယာ နဝ၊ အာရမ္မဏေ ဧကံ။ပေ။ အညမညေ ဆ။ပေ။ အဝိဂတေ နဝ.
၇၆. အရူပိံ ဟေတုံ ဓမ္မံ ပဋိစ္စ အရူပီ ဟေတု ဓမ္မော ဥပ္ပဇ္ဇတိ ဟေတုပစ္စယာ. (သဗ္ဗတ္ထ ဧကံ.)
ရူပိံ နဟေတုံ ဓမ္မံ ပဋိစ္စ ရူပီ နဟေတု ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.)
ဟေတုယာ နဝ.
၇၇. လောကိယံ ဟေတုံ ဓမ္မံ ပဋိစ္စ လောကိယော ဟေတု ဓမ္မော ဥပ္ပဇ္ဇတိ ဟေတုပစ္စယာ. (၁)
လောကုတ္တရံ ဟေတုံ ဓမ္မံ ပဋိစ္စ လောကုတ္တရော ဟေတု ဓမ္မော ဥပ္ပဇ္ဇတိ ဟေတုပစ္စယာ. (၁) (သဗ္ဗတ္ထ ဒွေ.)
လောကိယံ နဟေတုံ ဓမ္မံ ပဋိစ္စ လောကိယော နဟေတု ဓမ္မော ဥပ္ပဇ္ဇတိ ဟေတုပစ္စယာ. (၁)
လောကုတ္တရံ နဟေတုံ ဓမ္မံ ပဋိစ္စ လောကုတ္တရော နဟေတု ဓမ္မော ဥပ္ပဇ္ဇတိ ဟေတုပစ္စယာ။ တီဏိ.
လောကိယံ နဟေတုဉ္စ လောကုတ္တရံ နဟေတုဉ္စ ဓမ္မံ ပဋိစ္စ လောကိယော နဟေတု ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)
ဟေတုယာ ပဉ္စ.
၇၈. ကေနစိ ဝိညေယျံ ဟေတုံ ဓမ္မံ ပဋိစ္စ။ပေ။ နကေနစိ ဝိညေယျံ ဟေတုံ ဓမ္မံ ပဋိစ္စ။ (သဗ္ဗတ္ထ နဝ).
ကေနစိ ဝိညေယျံ နဟေတုံ ဓမ္မံ ပဋိစ္စ။ပေ။ နကေနစိ ဝိညေယျံ နဟေတုံ ဓမ္မံ ပဋိစ္စ။ (သဗ္ဗတ္ထ နဝ).