၁၄-၁. အာသဝဂေါစ္ဆက-ဟေတုဒုကံ

၇၉. အာသဝံ ဟေတုံ ဓမ္မံ ပဋိစ္စ။ပေ။ နောအာသဝံ ဟေတုံ ဓမ္မံ ပဋိစ္စ။ (သံခိတ္တံ).

အာသဝံ နဟေတုံ ဓမ္မံ ပဋိစ္စ။ပေ။ နောအာသဝံ နဟေတုံ ဓမ္မံ ပဋိစ္စ။ (သံခိတ္တံ).

၈၀. သာသဝံ ဟေတုံ ဓမ္မံ ပဋိစ္စ။ပေ။ အနာသဝံ ဟေတုံ ဓမ္မံ ပဋိစ္စ။ (သဗ္ဗတ္ထ ဒွေ).

သာသဝံ နဟေတုံ ဓမ္မံ ပဋိစ္စ။ပေ။ အနာသဝံ နဟေတုံ ဓမ္မံ ပဋိစ္စ။ပေ။.

၈၁. အာသဝသမ္ပယုတ္တံ ဟေတုံ ဓမ္မံ ပဋိစ္စ။ပေ။ အာသဝဝိပ္ပယုတ္တံ ဟေတုံ ဓမ္မံ ပဋိစ္စ။ (သံခိတ္တံ).

အာသဝသမ္ပယုတ္တံ နဟေတုံ ဓမ္မံ ပဋိစ္စ။ပေ။ အာသဝဝိပ္ပယုတ္တံ နဟေတုံ ဓမ္မံ ပဋိစ္စ။ (သံခိတ္တံ).

၈၂. အာသဝဉ္စေဝ သာသဝဉ္စ ဟေတုံ ဓမ္မံ ပဋိစ္စ။ပေ။ သာသဝဉ္စေဝ နော စ အာသဝံ ဟေတုံ ဓမ္မံ ပဋိစ္စ။

အာသဝဉ္စေဝ သာသဝဉ္စ နဟေတုံ ဓမ္မံ ပဋိစ္စ။ပေ။ သာသဝဉ္စေဝ နော စ အာသဝံ နဟေတုံ ဓမ္မံ ပဋိစ္စ။ (သံခိတ္တံ).

၈၃. အာသဝဉ္စေဝ အာသဝသမ္ပယုတ္တဉ္စ ဟေတုံ ဓမ္မံ ပဋိစ္စ။ပေ။ အာသဝသမ္ပယုတ္တဉ္စေဝ နော စ အာသဝံ ဟေတုံ ဓမ္မံ ပဋိစ္စ။.

အာသဝဉ္စေဝ အာသဝသမ္ပယုတ္တဉ္စ နဟေတုံ ဓမ္မံ ပဋိစ္စ။ပေ။ အာသဝသမ္ပယုတ္တဉ္စေဝ နော စ အာသဝံ နဟေတုံ ဓမ္မံ ပဋိစ္စ။.

၈၄. အာသဝဝိပ္ပယုတ္တံ သာသဝံ ဟေတုံ ဓမ္မံ ပဋိစ္စ။ပေ။ အာသဝဝိပ္ပယုတ္တံ အနာသဝံ ဟေတုံ ဓမ္မံ ပဋိစ္စ။.

အာသဝဝိပ္ပယုတ္တံ သာသဝံ နဟေတုံ ဓမ္မံ ပဋိစ္စ။ပေ။ အာသဝဝိပ္ပယုတ္တံ အနာသဝံ နဟေတုံ ဓမ္မံ ပဋိစ္စ။.