ဓမ္မာနုလောမေ ဒုကဒုကပဋ္ဌာနံ
၁-၁. ဟေတုဒုက-သဟေတုကဒုကံ
သဟေတုကပဒံ
၁-၇. ပဋိစ္စဝါရာဒိ
ပစ္စယစတုက္ကံ
ဟေတုပစ္စယော
၁. ဟေတုံ သဟေတုကံ ဓမ္မံ ပဋိစ္စ ဟေတု သဟေတုကော ဓမ္မော ဥပ္ပဇ္ဇတိ ဟေတုပစ္စယာ. ဟေတုံ သဟေတုကံ ဓမ္မံ ပဋိစ္စ နဟေတု သဟေတုကော ဓမ္မော ဥပ္ပဇ္ဇတိ ဟေတုပစ္စယာ. ဟေတုံ သဟေတုကံ ဓမ္မံ ပဋိစ္စ ဟေတု သဟေတုကော စ နဟေတု သဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)
၂. နဟေတုံ သဟေတုကံ ဓမ္မံ ပဋိစ္စ နဟေတု သဟေတုကော ဓမ္မော ဥပ္ပဇ္ဇတိ ဟေတုပစ္စယာ. နဟေတုံ သဟေတုကံ ဓမ္မံ ပဋိစ္စ ဟေတု သဟေတုကော ဓမ္မော ဥပ္ပဇ္ဇတိ ဟေတုပစ္စယာ. နဟေတုံ သဟေတုကံ ဓမ္မံ ပဋိစ္စ ဟေတု သဟေတုကော စ နဟေတု သဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)
၃. ဟေတုံ သဟေတုကဉ္စ နဟေတုံ သဟေတုကဉ္စ ဓမ္မံ ပဋိစ္စ ဟေတု သဟေတုကော ဓမ္မော ဥပ္ပဇ္ဇတိ ဟေတုပစ္စယာ. ဟေတုံ သဟေတုကဉ္စ နဟေတုံ သဟေတုကဉ္စ ဓမ္မံ ပဋိစ္စ နဟေတု သဟေတုကော ဓမ္မော ဥပ္ပဇ္ဇတိ ဟေတုပစ္စယာ. ဟေတုံ သဟေတုကဉ္စ နဟေတုံ သဟေတုကဉ္စ ဓမ္မံ ပဋိစ္စ ဟေတု သဟေတုကော စ နဟေတု သဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)
၄. ဟေတုယာ နဝ၊ အာရမ္မဏေ နဝ။ပေ။ အဝိဂတေ နဝ. (သံခိတ္တံ.)
ပစ္စနီယံ
နအဓိပတိပစ္စယော
၅. ဟေတုံ သဟေတုကံ ဓမ္မံ ပဋိစ္စ ဟေတု သဟေတုကော ဓမ္မော ဥပ္ပဇ္ဇတိ နအဓိပတိပစ္စယာ. (သံခိတ္တံ.)
နအဓိပတိယာ နဝ၊ နပုရေဇာတေ နဝ၊ နပစ္ဆာဇာတေ နဝ၊ နကမ္မေ တီဏိ၊ နဝိပါကေ နဝ၊ နဝိပ္ပယုတ္တေ နဝ. (သံခိတ္တံ.)
ဟေတုပစ္စယာ နအဓိပတိယာ နဝ. (သံခိတ္တံ.)
နအဓိပတိပစ္စယာ ဟေတုယာ နဝ. (သံခိတ္တံ.)
(သဟဇာတဝါရမ္ပိ ပစ္စယဝါရမ္ပိ နိဿယဝါရမ္ပိ သံသဋ္ဌဝါရမ္ပိ သမ္ပယုတ္တဝါရမ္ပိ ပဋိစ္စဝါရသဒိသံ.)
ဟေတု-အာရမ္မဏပစ္စယာ
၆. ဟေတု သဟေတုကော ဓမ္မော ဟေတုဿ သဟေတုကဿ ဓမ္မဿ ဟေတုပစ္စယေန ပစ္စယော. ဟေတု သဟေတုကော ဓမ္မော နဟေတုဿ သဟေတုကဿ ဓမ္မဿ ဟေတုပစ္စယေန ပစ္စယော. ဟေတု သဟေတုကော ဓမ္မော ဟေတုဿ သဟေတုကဿ စ နဟေတုဿ သဟေတုကဿ စ ဓမ္မဿ ဟေတုပစ္စယေန ပစ္စယော. (၃)
၇. ဟေတု သဟေတုကော ဓမ္မော ဟေတုဿ သဟေတုကဿ ဓမ္မဿ အာရမ္မဏပစ္စယေန ပစ္စယော. ဟေတု သဟေတုကော ဓမ္မော နဟေတုဿ သဟေတုကဿ ဓမ္မဿ အာရမ္မဏပစ္စယေန ပစ္စယော. ဟေတု သဟေတုကော ဓမ္မော ဟေတုဿ သဟေတုကဿ စ နဟေတုဿ သဟေတုကဿ စ ဓမ္မဿ အာရမ္မဏပစ္စယေန ပစ္စယော. (၃)
နဟေတု သဟေတုကော ဓမ္မော နဟေတုဿ သဟေတုကဿ ဓမ္မဿ အာရမ္မဏပစ္စယေန ပစ္စယော. နဟေတု သဟေတုကော ဓမ္မော ဟေတုဿ သဟေတုကဿ ဓမ္မဿ အာရမ္မဏပစ္စယေန ပစ္စယော. နဟေတု သဟေတုကော ဓမ္မော ဟေတုဿ သဟေတုကဿ စ နဟေတုဿ သဟေတုကဿ စ ဓမ္မဿ အာရမ္မဏပစ္စယေန ပစ္စယော. (၃)
ဟေတု သဟေတုကော စ နဟေတု သဟေတုကော စ ဓမ္မာ ဟေတုဿ သဟေတုကဿ ဓမ္မဿ အာရမ္မဏပစ္စယေန ပစ္စယော. ဟေတု သဟေတုကော စ နဟေတု သဟေတုကော စ ဓမ္မာ နဟေတုဿ သဟေတုကဿ ဓမ္မဿ အာရမ္မဏပစ္စယေန ပစ္စယော. ဟေတု သဟေတုကော စ နဟေတု သဟေတုကော စ ဓမ္မာ ဟေတုဿ သဟေတုကဿ စ နဟေတုဿ သဟေတုကဿ စ ဓမ္မဿ အာရမ္မဏပစ္စယေန ပစ္စယော. (၃) (သံခိတ္တံ.)
၈. ဟေတုယာ တီဏိ၊ အာရမ္မဏေ နဝ။ပေ။ ဥပနိဿယေ နဝ အဝိဂတေ နဝ. (သံခိတ္တံ.)
(ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ.)
အဟေတုကပဒံ
ပစ္စယစတုက္ကံ
၉. ဟေတုံ အဟေတုကံ ဓမ္မံ ပဋိစ္စ နဟေတု အဟေတုကော ဓမ္မော ဥပ္ပဇ္ဇတိ ဟေတုပစ္စယာ. (၁)
နဟေတုံ အဟေတုကံ ဓမ္မံ ပဋိစ္စ နဟေတု အဟေတုကော ဓမ္မော ဥပ္ပဇ္ဇတိ ဟေတုပစ္စယာ. (၁)
ဟေတုံ အဟေတုကဉ္စ နဟေတုံ အဟေတုကဉ္စ ဓမ္မံ ပဋိစ္စ နဟေတု အဟေတုကော ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)
ဟေတုယာ တီဏိ၊ အာရမ္မဏေ ဧကံ၊ အဝိဂတေ တီဏိ. (သံခိတ္တံ. သဟဇာတဝါရမ္ပိ။ပေ။ သမ္ပယုတ္တဝါရမ္ပိ ပဋိစ္စဝါရသဒိသံ.)
၁၀. ဟေတု အဟေတုကော ဓမ္မော နဟေတုဿ အဟေတုကဿ ဓမ္မဿ ဟေတုပစ္စယေန ပစ္စယော. (၁)
ဟေတု အဟေတုကော ဓမ္မော ဟေတုဿ အဟေတုကဿ ဓမ္မဿ အာရမ္မဏပစ္စယေန ပစ္စယော. ဟေတု အဟေတုကော ဓမ္မော နဟေတုဿ အဟေတုကဿ ဓမ္မဿ အာရမ္မဏပစ္စယေန ပစ္စယော. (၂)
နဟေတု အဟေတုကော ဓမ္မော နဟေတုဿ အဟေတုကဿ ဓမ္မဿ အာရမ္မဏပစ္စယေန ပစ္စယော. နဟေတု အဟေတုကော ဓမ္မော ဟေတုဿ အဟေတုကဿ ဓမ္မဿ အာရမ္မဏပစ္စယေန ပစ္စယော. (၂) (သံခိတ္တံ.)
၁၁. ဟေတုယာ ဧကံ၊ အာရမ္မဏေ စတ္တာရိ၊ အဝိဂတေ စတ္တာရိ. (သံခိတ္တံ.)
(ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ.)
၁-၂. ဟေတုဒုက-ဟေတုသမ္ပယုတ္တဒုကံ
၁-၇. ပဋိစ္စဝါရာဒိ
ပစ္စယစတုက္ကံ
ဟေတုပစ္စယော
၁၂. ဟေတုံ ဟေတုသမ္ပယုတ္တံ ဓမ္မံ ပဋိစ္စ ဟေတု ဟေတုသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ. ဟေတုံ ဟေတုသမ္ပယုတ္တံ ဓမ္မံ ပဋိစ္စ နဟေတု ဟေတုသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ. ဟေတုံ ဟေတုသမ္ပယုတ္တံ ဓမ္မံ ပဋိစ္စ ဟေတု ဟေတုသမ္ပယုတ္တော စ နဟေတု ဟေတုသမ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)
နဟေတုံ ဟေတုသမ္ပယုတ္တံ ဓမ္မံ ပဋိစ္စ နဟေတု ဟေတုသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.
ဟေတုံ ဟေတုသမ္ပယုတ္တဉ္စ နဟေတုံ ဟေတုသမ္ပယုတ္တဉ္စ ဓမ္မံ ပဋိစ္စ ဟေတု ဟေတုသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ တီဏိ. (သံခိတ္တံ.)
၁၃. ဟေတုယာ နဝ၊ အာရမ္မဏေ နဝ။ပေ။ အဝိဂတေ နဝ. (သံခိတ္တံ.)
၁၄. ဟေတု ဟေတုသမ္ပယုတ္တော ဓမ္မော ဟေတုဿ ဟေတုသမ္ပယုတ္တဿ ဓမ္မဿ ဟေတုပစ္စယေန ပစ္စယော။ တီဏိ. (သံခိတ္တံ.)
ဟေတုယာ တီဏိ။ပေ။ အဝိဂတေ နဝ. (သံခိတ္တံ.)
(ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ.)
၁၅. ဟေတုံ ဟေတုဝိပ္ပယုတ္တံ ဓမ္မံ ပဋိစ္စ နဟေတု ဟေတုဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ. (၁)
နဟေတုံ ဟေတုဝိပ္ပယုတ္တံ ဓမ္မံ ပဋိစ္စ နဟေတု ဟေတုဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ. (၁)
ဟေတုံ ဟေတုဝိပ္ပယုတ္တဉ္စ နဟေတုံ ဟေတုဝိပ္ပယုတ္တဉ္စ ဓမ္မံ ပဋိစ္စ နဟေတု ဟေတုဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)
ဟေတုယာ တီဏိ၊ အာရမ္မဏေ ဧကံ။ပေ။ အဝိဂတေ တီဏိ.
(သဟဇာတဝါရမ္ပိ။ပေ။ သမ္ပယုတ္တဝါရမ္ပိ ပဋိစ္စဝါရသဒိသံ ဝိတ္ထာရေတဗ္ဗံ.)
၁၆. ဟေတု ဟေတုဝိပ္ပယုတ္တော ဓမ္မော နဟေတုဿ ဟေတုဝိပ္ပယုတ္တဿ ဓမ္မဿ ဟေတုပစ္စယေန ပစ္စယော. (သံခိတ္တံ.)
ဟေတုယာ ဧကံ၊ အာရမ္မဏေ စတ္တာရိ။ပေ။ အဝိဂတေ စတ္တာရိ. (သံခိတ္တံ.)
(ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ.)
၁-၃. ဟေတုဒုက-ဟေတုသဟေတုကဒုကံ
၁-၇. ပဋိစ္စဝါရာဒိ
ပစ္စယစတုက္ကံ
ဟေတုပစ္စယော
၁၇. ဟေတုံ ဟေတုဉ္စေဝ သဟေတုကဉ္စ ဓမ္မံ ပဋိစ္စ ဟေတု ဟေတု စေဝ သဟေတုကော ဓမ္မော ဥပ္ပဇ္ဇတိ ဟေတုပစ္စယာ. (သဗ္ဗတ္ထ ဧကံ.)
နဟေတုံ သဟေတုကဉ္စေဝ န စ ဟေတုံ ဓမ္မံ ပဋိစ္စ နဟေတု သဟေတုကော စေဝ န စ ဟေတု ဓမ္မော ဥပ္ပဇ္ဇတိ ဟေတုပစ္စယာ. (သဗ္ဗတ္ထ ဧကံ.)
၁-၄. ဟေတုဒုက-ဟေတုဟေတုသမ္ပယုတ္တဒုကံ
၁-၇. ပဋိစ္စဝါရာဒိ
ပစ္စယစတုက္ကံ
ဟေတုပစ္စယော
၁၈. ဟေတုံ ဟေတုဉ္စေဝ ဟေတုသမ္ပယုတ္တဉ္စ ဓမ္မံ ပဋိစ္စ ဟေတု ဟေတု စေဝ ဟေတုသမ္ပယုတ္တော စ ဓမ္မော ဥပ္ပဇ္ဇတိ ဟေတုပစ္စယာ. (သဗ္ဗတ္ထ ဧကံ.)
နဟေတုံ ဟေတုသမ္ပယုတ္တဉ္စေဝ န စ ဟေတုံ ဓမ္မံ ပဋိစ္စ နဟေတု ဟေတုသမ္ပယုတ္တော စေဝ န စ ဟေတု ဓမ္မော ဥပ္ပဇ္ဇတိ ဟေတုပစ္စယာ. (သဗ္ဗတ္ထ ဧကံ.)
၁-၅. ဟေတုဒုက-နဟေတုသဟေတုကဒုကံ
၁၉. နဟေတုံ သဟေတုကံ ဓမ္မံ ပဋိစ္စ နဟေတု သဟေတုကော ဓမ္မော ဥပ္ပဇ္ဇတိ ဟေတုပစ္စယာ. (သဗ္ဗတ္ထ ဧကံ.)
နဟေတုံ အဟေတုကံ ဓမ္မံ ပဋိစ္စ နဟေတု အဟေတုကော ဓမ္မော ဥပ္ပဇ္ဇတိ ဟေတုပစ္စယာ. (သဗ္ဗတ္ထ ဧကံ.)
ဟေတုဂေါစ္ဆကံ နိဋ္ဌိတံ.
၁-၆. ဟေတုဒုက-သပ္ပစ္စယဒုကံ
၁-၇. ပဋိစ္စဝါရာဒိ
ပစ္စယစတုက္ကံ
၂၀. ဟေတုံ သပ္ပစ္စယံ ဓမ္မံ ပဋိစ္စ ဟေတု သပ္ပစ္စယော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.
နဟေတုံ သပ္ပစ္စယံ ဓမ္မံ ပဋိစ္စ နဟေတု သပ္ပစ္စယော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.
ဟေတုံ သပ္ပစ္စယဉ္စ နဟေတုံ သပ္ပစ္စယဉ္စ ဓမ္မံ ပဋိစ္စ ဟေတု သပ္ပစ္စယော ဓမ္မော ဥပ္ပဇ္ဇတိ ဟေတုပစ္စယာ။ တီဏိ. (သံခိတ္တံ.)
ဟေတုယာ နဝ၊ အာရမ္မဏေ နဝ။ပေ။ အဝိဂတေ နဝ. (သံခိတ္တံ.)
(သဟဇာတဝါရမ္ပိ။ပေ။ သမ္ပယုတ္တဝါရမ္ပိ ပဋိစ္စဝါရသဒိသံ.)
၂၁. ဟေတု သပ္ပစ္စယော ဓမ္မော ဟေတုဿ သပ္ပစ္စယဿ ဓမ္မဿ ဟေတုပစ္စယေန ပစ္စယော. (သံခိတ္တံ.)
ဟေတုယာ တီဏိ. (သံခိတ္တံ. ပဉှာဝါရမ္ပိ ဧဝံ ဝိတ္ထာရေတဗ္ဗံ.)
၁-၇. ဟေတုဒုက-သင်္ခတဒုကံ
၂၂. ဟေတုံ သင်္ခတံ ဓမ္မံ ပဋိစ္စ ဟေတု သင်္ခတော ဓမ္မော ဥပ္ပဇ္ဇတိ ဟေတုပစ္စယာ.
ဟေတုယာ နဝ။ပေ။ အဝိဂတေ နဝ. (သပ္ပစ္စယဒုကသဒိသံ.)
၁-၈. ဟေတုဒုက-သနိဒဿနဒုကံ
၂၃. ဟေတုံ အနိဒဿနံ ဓမ္မံ ပဋိစ္စ ဟေတု အနိဒဿနော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.
နဟေတုံ အနိဒဿနံ ဓမ္မံ ပဋိစ္စ နဟေတု အနိဒဿနော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.
ဟေတုံ အနိဒဿနဉ္စ နဟေတုံ အနိဒဿနဉ္စ ဓမ္မံ ပဋိစ္စ ဟေတု အနိဒဿနော ဓမ္မော ဥပ္ပဇ္ဇတိ ဟေတုပစ္စယာ။ တီဏိ. (သံခိတ္တံ.)
ဟေတုယာ နဝ။ပေ။ အဝိဂတေ နဝ. (သံခိတ္တံ.)
(သဟဇာတဝါရမ္ပိ။ပေ။ ပဉှာဝါရမ္ပိ ဝိတ္ထာရေတဗ္ဗံ.)
၁-၉. ဟေတုဒုက-သပ္ပဋိဃဒုကံ
၂၄. နဟေတုံ သပ္ပဋိဃံ ဓမ္မံ ပဋိစ္စ နဟေတု သပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ. (သဗ္ဗတ္ထ ဧကံ.)
၂၅. ဟေတုံ အပ္ပဋိဃံ ဓမ္မံ ပဋိစ္စ ဟေတု အပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ. ဟေတုံ အပ္ပဋိဃံ ဓမ္မံ ပဋိစ္စ နဟေတု အပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ. ဟေတုံ အပ္ပဋိဃံ ဓမ္မံ ပဋိစ္စ ဟေတု အပ္ပဋိဃော စ နဟေတု အပ္ပဋိဃော စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)
နဟေတုံ အပ္ပဋိဃံ ဓမ္မံ ပဋိစ္စ နဟေတု အပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.
ဟေတုံ အပ္ပဋိဃဉ္စ နဟေတုံ အပ္ပဋိဃဉ္စ ဓမ္မံ ပဋိစ္စ ဟေတု အပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ တီဏိ. (သံခိတ္တံ.)
ဟေတုယာ နဝ၊ အာရမ္မဏေ နဝ။ပေ။ အဝိဂတေ နဝ. (သံခိတ္တံ.)
(သဟဇာတဝါရမ္ပိ။ပေ။ ပဉှာဝါရမ္ပိ ဝိတ္ထာရေတဗ္ဗံ.)
၁-၁၀. ဟေတုဒုက-ရူပီဒုကံ
၂၆. နဟေတုံ ရူပိံ ဓမ္မံ ပဋိစ္စ နဟေတု ရူပီ ဓမ္မော ဥပ္ပဇ္ဇတိ ဟေတုပစ္စယာ. (သဗ္ဗတ္ထ ဧကံ.)
၂၇. ဟေတုံ အရူပိံ ဓမ္မံ ပဋိစ္စ ဟေတု အရူပီ ဓမ္မော ဥပ္ပဇ္ဇတိ ဟေတုပစ္စယာ။ တီဏိ.
နဟေတုံ အရူပိံ ဓမ္မံ ပဋိစ္စ နဟေတု အရူပီ ဓမ္မော ဥပ္ပဇ္ဇတိ ဟေတုပစ္စယာ။ တီဏိ.
ဟေတုံ အရူပိဉ္စ နဟေတုံ အရူပိဉ္စ ဓမ္မံ ပဋိစ္စ ဟေတု အရူပီ ဓမ္မော ဥပ္ပဇ္ဇတိ ဟေတုပစ္စယာ။ တီဏိ. (သံခိတ္တံ.)
ဟေတုယာ နဝ၊ အာရမ္မဏေ နဝ။ပေ။ အဝိဂတေ နဝ. (သံခိတ္တံ.)
(သဟဇာတဝါရမ္ပိ။ပေ။ ပဉှာဝါရမ္ပိ ဝိတ္ထာရေတဗ္ဗံ.)
၁-၁၁. ဟေတုဒုက-လောကိယဒုကံ
၂၈. ဟေတုံ လောကိယံ ဓမ္မံ ပဋိစ္စ ဟေတု လောကိယော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.
နဟေတုံ လောကိယံ ဓမ္မံ ပဋိစ္စ နဟေတု လောကိယော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.
ဟေတုံ လောကိယဉ္စ နဟေတုံ လောကိယဉ္စ ဓမ္မံ ပဋိစ္စ ဟေတု လောကိယော ဓမ္မော ဥပ္ပဇ္ဇတိ ဟေတုပစ္စယာ။ တီဏိ. (သံခိတ္တံ.)
ဟေတုယာ နဝ၊ အာရမ္မဏေ နဝ။ပေ။ အဝိဂတေ နဝ. (သံခိတ္တံ.)
(သဟဇာတဝါရမ္ပိ။ပေ။ ပဉှာဝါရမ္ပိ ဧဝံ ဝိတ္ထာရေတဗ္ဗံ.)
၂၉. ဟေတုံ လောကုတ္တရံ ဓမ္မံ ပဋိစ္စ ဟေတု လောကုတ္တရော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.
နဟေတုံ လောကုတ္တရံ ဓမ္မံ ပဋိစ္စ နဟေတု လောကုတ္တရော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.
ဟေတုံ လောကုတ္တရဉ္စ နဟေတုံ လောကုတ္တရဉ္စ ဓမ္မံ ပဋိစ္စ ဟေတု လောကုတ္တရော ဓမ္မော ဥပ္ပဇ္ဇတိ ဟေတုပစ္စယာ။ တီဏိ. (သံခိတ္တံ.)
ဟေတုယာ နဝ၊ အာရမ္မဏေ နဝ။ပေ။ အဝိဂတေ နဝ. (သံခိတ္တံ.)
(သဟဇာတဝါရမ္ပိ။ပေ။ သမ္ပယုတ္တဝါရမ္ပိ ပဉှာဝါရမ္ပိ ပဋိစ္စဝါရသဒိသံ ဝိတ္ထာရေတဗ္ဗံ.)
၁-၁၂. ဟေတုဒုက-ကေနစိဝိညေယျဒုကံ
၃၀. ဟေတုံ ကေနစိ ဝိညေယျံ ဓမ္မံ ပဋိစ္စ ဟေတု ကေနစိ ဝိညေယျော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.)
ဟေတုယာ နဝ။ပေ။ အဝိဂတေ နဝ. (သံခိတ္တံ.)
(သဟဇာတဝါရမ္ပိ။ပေ။ ပဉှာဝါရမ္ပိ ဝိတ္ထာရေတဗ္ဗံ.)
၃၁. ဟေတုံ ကေနစိ နဝိညေယျံ ဓမ္မံ ပဋိစ္စ ဟေတု ကေနစိ နဝိညေယျော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.)
ဟေတုယာ နဝ။ပေ။ အဝိဂတေ နဝ. (သဗ္ဗတ္ထ ဝိတ္ထာရော.)
စူဠန္တရဒုကံ နိဋ္ဌိတံ.
၁-၁၃. ဟေတုဒုက-အာသဝဒုကံ
၃၂. ဟေတုံ အာသဝံ ဓမ္မံ ပဋိစ္စ ဟေတု အာသဝေါ ဓမ္မော ဥပ္ပဇ္ဇတိ ဟေတုပစ္စယာ. ဟေတုံ အာသဝံ ဓမ္မံ ပဋိစ္စ နဟေတု အာသဝေါ ဓမ္မော ဥပ္ပဇ္ဇတိ ဟေတုပစ္စယာ. ဟေတုံ အာသဝံ ဓမ္မံ ပဋိစ္စ ဟေတု အာသဝေါ စ နဟေတု အာသဝေါ စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)
နဟေတုံ အာသဝံ ဓမ္မံ ပဋိစ္စ နဟေတု အာသဝေါ ဓမ္မော ဥပ္ပဇ္ဇတိ ဟေတုပစ္စယာ. (၁)
ဟေတုံ အာသဝဉ္စ နဟေတုံ အာသဝဉ္စ ဓမ္မံ ပဋိစ္စ ဟေတု အာသဝေါ ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)
ဟေတုယာ ပဉ္စ၊ အာရမ္မဏေ ပဉ္စ။ပေ။ အဝိဂတေ ပဉ္စ. (သဗ္ဗတ္ထ ဝိတ္ထာရော.)
၃၃. ဟေတုံ နောအာသဝံ ဓမ္မံ ပဋိစ္စ ဟေတု နောအာသဝေါ ဓမ္မော ဥပ္ပဇ္ဇတိ ဟေတုပစ္စယာ။ တီဏိ.
နဟေတုံ နောအာသဝံ ဓမ္မံ ပဋိစ္စ နဟေတု နောအာသဝေါ ဓမ္မော ဥပ္ပဇ္ဇတိ ဟေတုပစ္စယာ။ တီဏိ.
ဟေတုံ နောအာသဝဉ္စ နဟေတုံ နောအာသဝဉ္စ ဓမ္မံ ပဋိစ္စ ဟေတု နောအာသဝေါ ဓမ္မော ဥပ္ပဇ္ဇတိ ဟေတုပစ္စယာ။ တီဏိ. (သံခိတ္တံ.)
ဟေတုယာ နဝ။ပေ။ အဝိဂတေ နဝ. (သဗ္ဗတ္ထ ဝိတ္ထာရော.)
၁-၁၄. ဟေတုဒုက-သာသဝဒုကံ
၃၄. ဟေတုံ သာသဝံ ဓမ္မံ ပဋိစ္စ ဟေတု သာသဝေါ ဓမ္မော ဥပ္ပဇ္ဇတိ ဟေတုပစ္စယာ။ တီဏိ.
နဟေတုံ သာသဝံ ဓမ္မံ ပဋိစ္စ နဟေတု သာသဝေါ ဓမ္မော ဥပ္ပဇ္ဇတိ ဟေတုပစ္စယာ။ တီဏိ.
ဟေတုံ သာသဝဉ္စ နဟေတုံ သာသဝဉ္စ ဓမ္မံ ပဋိစ္စ ဟေတု သာသဝေါ ဓမ္မော ဥပ္ပဇ္ဇတိ ဟေတုပစ္စယာ။ တီဏိ. (သံခိတ္တံ.)
ဟေတုယာ နဝ။ပေ။ အဝိဂတေ နဝ. (သဗ္ဗတ္ထ ဝိတ္ထာရော.)
၃၅. ဟေတုံ အနာသဝံ ဓမ္မံ ပဋိစ္စ ဟေတု အနာသဝေါ ဓမ္မော ဥပ္ပဇ္ဇတိ ဟေတုပစ္စယာ။ တီဏိ.
နဟေတုံ အနာသဝံ ဓမ္မံ ပဋိစ္စ နဟေတု အနာသဝေါ ဓမ္မော ဥပ္ပဇ္ဇတိ ဟေတုပစ္စယာ။ တီဏိ.
ဟေတုံ အနာသဝဉ္စ နဟေတုံ အနာသဝဉ္စ ဓမ္မံ ပဋိစ္စ ဟေတု အနာသဝေါ ဓမ္မော ဥပ္ပဇ္ဇတိ ဟေတုပစ္စယာ။ တီဏိ. (သံခိတ္တံ.)
ဟေတုယာ နဝ။ပေ။ အဝိဂတေ နဝ. (သဗ္ဗတ္ထ ဝိတ္ထာရော.)
၁-၁၅. ဟေတုဒုက-အာသဝသမ္ပယုတ္တဒုကံ
၃၆. ဟေတုံ အာသဝသမ္ပယုတ္တံ ဓမ္မံ ပဋိစ္စ ဟေတု အာသဝသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.)
ဟေတုယာ နဝ။ပေ။ အဝိဂတေ နဝ. (သဗ္ဗတ္ထ ဝိတ္ထာရော.)
၃၇. ဟေတုံ အာသဝဝိပ္ပယုတ္တံ ဓမ္မံ ပဋိစ္စ ဟေတု အာသဝဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.)
ဟေတုယာ နဝ။ပေ။ အဝိဂတေ နဝ. (သဗ္ဗတ္ထ ဝိတ္ထာရော.)
၁-၁၆. ဟေတုဒုက-အာသဝသာသဝဒုကံ
၃၈. ဟေတုံ အာသဝဉ္စေဝ သာသဝဉ္စ ဓမ္မံ ပဋိစ္စ ဟေတု အာသဝေါ စေဝ သာသဝေါ စ ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.)
ဟေတုယာ ပဉ္စ။ပေ။ အဝိဂတေ ပဉ္စ. (သဗ္ဗတ္ထ ဝိတ္ထာရော.)
၃၉. ဟေတုံ သာသဝဉ္စေဝ နော စ အာသဝံ ဓမ္မံ ပဋိစ္စ ဟေတု သာသဝေါ စေဝ နော စ အာသဝေါ ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.)
ဟေတုယာ နဝ။ပေ။ အဝိဂတေ နဝ. (သဗ္ဗတ္ထ ဝိတ္ထာရော.)