၂၂-၆၇. သနိဒဿနတ္တိက-ဥပါဒါဒုကံ

၁၂၃. အနိဒဿနအပ္ပဋိဃံ ဥပါဒါ ဓမ္မံ ပဋိစ္စ နသနိဒဿနသပ္ပဋိဃော နောဥပါဒါ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

အနိဒဿနသပ္ပဋိဃံ နောဥပါဒါ ဓမ္မံ ပဋိစ္စ နအနိဒဿနသပ္ပဋိဃော နနောဥပါဒါ ဓမ္မော ဥပ္ပဇ္ဇတိ ဟေတုပစ္စယာ။ ဆ.

အနိဒဿနအပ္ပဋိဃံ နောဥပါဒါ ဓမ္မံ ပဋိစ္စ နအနိဒဿနအပ္ပဋိဃော နနောဥပါဒါ ဓမ္မော ဥပ္ပဇ္ဇတိ ဟေတုပစ္စယာ။ ဆ.

အနိဒဿနသပ္ပဋိဃံ နောဥပါဒါ စ အနိဒဿနအပ္ပဋိဃံ နောဥပါဒါ စ ဓမ္မံ ပဋိစ္စ နသနိဒဿနသပ္ပဋိဃော နနောဥပါဒါ ဓမ္မော ဥပ္ပဇ္ဇတိ ဟေတုပစ္စယာ။ ဆ. ဟေတုယာ အဋ္ဌာရသ.