ဓမ္မာနုလောမပစ္စနီယေ တိကဒုကပဋ္ဌာနံ

၁-၁. ကုသလတ္တိက-ဟေတုဒုကံ

၁-၇. ပဋိစ္စဝါရာဒိ

ပစ္စယစတုက္ကံ

ဟေတုပစ္စယော

၁. ကုသလံ ဟေတုံ ဓမ္မံ ပဋိစ္စ နကုသလော နဟေတု ဓမ္မော ဥပ္ပဇ္ဇတိ ဟေတုပစ္စယာ. ကုသလံ ဟေတုံ ဓမ္မံ ပဋိစ္စ နအကုသလော နဟေတု ဓမ္မော ဥပ္ပဇ္ဇတိ ဟေတုပစ္စယာ. ကုသလံ ဟေတုံ ဓမ္မံ ပဋိစ္စ နအဗျာကတော နဟေတု ဓမ္မော ဥပ္ပဇ္ဇတိ ဟေတုပစ္စယာ. ကုသလံ ဟေတုံ ဓမ္မံ ပဋိစ္စ နအကုသလော နဟေတု စ နအဗျာကတော နဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ. ကုသလံ ဟေတုံ ဓမ္မံ ပဋိစ္စ နကုသလော နဟေတု စ နအကုသလော နဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ. (၅)

အကုသလံ ဟေတုံ ဓမ္မံ ပဋိစ္စ နအကုသလော နဟေတု ဓမ္မော ဥပ္ပဇ္ဇတိ ဟေတုပစ္စယာ. အကုသလံ ဟေတုံ ဓမ္မံ ပဋိစ္စ နကုသလော နဟေတု ဓမ္မော ဥပ္ပဇ္ဇတိ ဟေတုပစ္စယာ. အကုသလံ ဟေတုံ ဓမ္မံ ပဋိစ္စ နအဗျာကတော နဟေတု ဓမ္မော ဥပ္ပဇ္ဇတိ ဟေတုပစ္စယာ. အကုသလံ ဟေတုံ ဓမ္မံ ပဋိစ္စ နကုသလော နဟေတု စ နအဗျာကတော နဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ. အကုသလံ ဟေတုံ ဓမ္မံ ပဋိစ္စ နကုသလော နဟေတု စ နအကုသလော နဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ. (၅)

အဗျာကတံ ဟေတုံ ဓမ္မံ ပဋိစ္စ နကုသလော နဟေတု ဓမ္မော ဥပ္ပဇ္ဇတိ ဟေတုပစ္စယာ. အဗျာကတံ ဟေတုံ ဓမ္မံ ပဋိစ္စ နအကုသလော နဟေတု ဓမ္မော ဥပ္ပဇ္ဇတိ ဟေတုပစ္စယာ. အဗျာကတံ ဟေတုံ ဓမ္မံ ပဋိစ္စ နကုသလော နဟေတု စ နအကုသလော နဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ. (၃) (သံခိတ္တံ.)

ဟေတုယာ တေရသ၊ အာရမ္မဏေ နဝ။ပေ။ အဝိဂတေ တေရသ.

ပစ္စနီယံ

နအာရမ္မဏပစ္စယော

၂. ကုသလံ ဟေတုံ ဓမ္မံ ပဋိစ္စ နကုသလော နဟေတု ဓမ္မော ဥပ္ပဇ္ဇတိ နအာရမ္မဏပစ္စယာ. (သံခိတ္တံ.)

နအာရမ္မဏေ နဝ၊ နအဓိပတိယာ တေရသ။ပေ။ နဝိပ္ပယုတ္တေ နဝ.

(သဟဇာတဝါရမ္ပိ။ပေ။ သမ္ပယုတ္တဝါရမ္ပိ ပဋိစ္စဝါရသဒိသံ ဝိတ္ထာရေတဗ္ဗံ.)

ဟေတု-အာရမ္မဏပစ္စယာ

၃. ကုသလော ဟေတု ဓမ္မော နကုသလဿ နဟေတုဿ ဓမ္မဿ ဟေတုပစ္စယေန ပစ္စယော. ကုသလော ဟေတု ဓမ္မော နအကုသလဿ နဟေတုဿ ဓမ္မဿ ဟေတုပစ္စယေန ပစ္စယော. ကုသလော ဟေတု ဓမ္မော နအဗျာကတဿ နဟေတုဿ ဓမ္မဿ ဟေတုပစ္စယေန ပစ္စယော. ကုသလော ဟေတု ဓမ္မော နအကုသလဿ နဟေတုဿ စ နအဗျာကတဿ နဟေတုဿ စ ဓမ္မဿ ဟေတုပစ္စယေန ပစ္စယော. ကုသလော ဟေတု ဓမ္မော နကုသလဿ နဟေတုဿ စ နအကုသလဿ နဟေတုဿ စ ဓမ္မဿ ဟေတုပစ္စယေန ပစ္စယော. (၅)

အကုသလော ဟေတု ဓမ္မော နအကုသလဿ နဟေတုဿ ဓမ္မဿ ဟေတုပစ္စယေန ပစ္စယော။ ပဉ္စ.

အဗျာကတော ဟေတု ဓမ္မော နကုသလဿ နဟေတုဿ ဓမ္မဿ ဟေတုပစ္စယေန ပစ္စယော။ တီဏိ.

ကုသလော ဟေတု ဓမ္မော နကုသလဿ နဟေတုဿ ဓမ္မဿ အာရမ္မဏပစ္စယေန ပစ္စယော. (သံခိတ္တံ.)

၄. ဟေတုယာ တေရသ၊ အာရမ္မဏေ အဋ္ဌာရသ။ပေ။ အဝိဂတေ တေရသ. (ပဉှာဝါရံ ဝိတ္ထာရေတဗ္ဗံ.)

၅. ကုသလံ နဟေတုံ ဓမ္မံ ပဋိစ္စ နအကုသလော နနဟေတု ဓမ္မော ဥပ္ပဇ္ဇတိ ဟေတုပစ္စယာ. ကုသလံ နဟေတုံ ဓမ္မံ ပဋိစ္စ နအဗျာကတော နနဟေတု ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.)

ဟေတုယာ နဝ၊ အာရမ္မဏေ နဝ။ပေ။ အဝိဂတေ နဝ. (သဗ္ဗတ္ထ နဝ.)

၁-၂. ကုသလတ္တိက-သဟေတုကဒုကံ

၁-၇. ပဋိစ္စဝါရာဒိ

ပစ္စယစတုက္ကံ

ဟေတုပစ္စယော

၆. ကုသလံ သဟေတုကံ ဓမ္မံ ပဋိစ္စ နကုသလော နသဟေတုကော ဓမ္မော ဥပ္ပဇ္ဇတိ ဟေတုပစ္စယာ. ကုသလံ သဟေတုကံ ဓမ္မံ ပဋိစ္စ နအကုသလော နသဟေတုကော ဓမ္မော ဥပ္ပဇ္ဇတိ ဟေတုပစ္စယာ. ကုသလံ သဟေတုကံ ဓမ္မံ ပဋိစ္စ နကုသလော နသဟေတုကော စ နအကုသလော နသဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ. တီဏိ.

အကုသလံ သဟေတုကံ ဓမ္မံ ပဋိစ္စ နအကုသလော နသဟေတုကော ဓမ္မော ဥပ္ပဇ္ဇတိ ဟေတုပစ္စယာ. အကုသလံ သဟေတုကံ ဓမ္မံ ပဋိစ္စ နကုသလော နသဟေတုကော ဓမ္မော ဥပ္ပဇ္ဇတိ ဟေတုပစ္စယာ. အကုသလံ သဟေတုကံ ဓမ္မံ ပဋိစ္စ နကုသလော နသဟေတုကော စ နအကုသလော နသဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ. တီဏိ.

အဗျာကတံ သဟေတုကံ ဓမ္မံ ပဋိစ္စ နကုသလော နသဟေတုကော ဓမ္မော ဥပ္ပဇ္ဇတိ ဟေတုပစ္စယာ. အဗျာကတံ သဟေတုကံ ဓမ္မံ ပဋိစ္စ နအကုသလော နသဟေတုကော ဓမ္မော ဥပ္ပဇ္ဇတိ ဟေတုပစ္စယာ. အဗျာကတံ သဟေတုကံ ဓမ္မံ ပဋိစ္စ နကုသလော နသဟေတုကော စ နအကုသလော နသဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ. တီဏိ.

ဟေတုယာ နဝ၊ အာရမ္မဏေ တီဏိ။ပေ။ အဝိဂတေ ဧကာဒသ. (သဟဇာတဝါရမ္ပိ။ပေ။ သမ္ပယုတ္တဝါရမ္ပိ ပဋိစ္စဝါရသဒိသံ.)

၇. ကုသလော သဟေတုကော ဓမ္မော နကုသလဿ နသဟေတုကဿ ဓမ္မဿ ဟေတုပစ္စယေန ပစ္စယော. ကုသလော သဟေတုကော ဓမ္မော နအကုသလဿ နသဟေတုကဿ ဓမ္မဿ ဟေတုပစ္စယေန ပစ္စယော. ကုသလော သဟေတုကော ဓမ္မော နကုသလဿ နသဟေတုကဿ စ နအကုသလဿ နသဟေတုကဿ စ ဓမ္မဿ ဟေတုပစ္စယေန ပစ္စယော. တီဏိ.

အကုသလော သဟေတုကော ဓမ္မော နအကုသလဿ နသဟေတုကဿ ဓမ္မဿ ဟေတုပစ္စယေန ပစ္စယော. အကုသလော သဟေတုကော ဓမ္မော နကုသလဿ နသဟေတုကဿ ဓမ္မဿ ဟေတုပစ္စယေန ပစ္စယော. အကုသလော သဟေတုကော ဓမ္မော နကုသလဿ နသဟေတုကဿ စ နအကုသလဿ နသဟေတုကဿ စ ဓမ္မဿ ဟေတုပစ္စယေန ပစ္စယော. တီဏိ.

အဗျာကတော သဟေတုကော ဓမ္မော နကုသလဿ နသဟေတုကဿ ဓမ္မဿ ဟေတုပစ္စယေန ပစ္စယော. အဗျာကတော သဟေတုကော ဓမ္မော နအကုသလဿ နသဟေတုကဿ ဓမ္မဿ ဟေတုပစ္စယေန ပစ္စယော. အဗျာကတော သဟေတုကော ဓမ္မော နကုသလဿ နသဟေတုကဿ စ နအကုသလဿ နသဟေတုကဿ စ ဓမ္မဿ ဟေတုပစ္စယေန ပစ္စယော. တီဏိ. (သံခိတ္တံ.)

၈. ဟေတုယာ နဝ၊ အာရမ္မဏေ ပန္နရသ။ပေ။ အဝိဂတေ ဧကာဒသ.

၉. အကုသလံ အဟေတုကံ ဓမ္မံ ပဋိစ္စ နကုသလော နအဟေတုကော ဓမ္မော ဥပ္ပဇ္ဇတိ ဟေတုပစ္စယာ. အကုသလံ အဟေတုကံ ဓမ္မံ ပဋိစ္စ နအဗျာကတော နအဟေတုကော ဓမ္မော ဥပ္ပဇ္ဇတိ ဟေတုပစ္စယာ. အကုသလံ အဟေတုကံ ဓမ္မံ ပဋိစ္စ နကုသလော နအဟေတုကော စ နအဗျာကတော နအဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ. တီဏိ.

အဗျာကတံ အဟေတုကံ ဓမ္မံ ပဋိစ္စ နကုသလော နအဟေတုကော ဓမ္မော ဥပ္ပဇ္ဇတိ ဟေတုပစ္စယာ. အဗျာကတံ အဟေတုကံ ဓမ္မံ ပဋိစ္စ နအကုသလော နအဟေတုကော ဓမ္မော ဥပ္ပဇ္ဇတိ ဟေတုပစ္စယာ. အဗျာကတံ အဟေတုကံ ဓမ္မံ ပဋိစ္စ နကုသလော နအဟေတုကော စ နအကုသလော နအဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ. တီဏိ.

ဟေတုယာ ဆ၊ အာရမ္မဏေ ဆ။ပေ။ အဝိဂတေ ဆ.

၁-၃. ကုသလတ္တိက-ဟေတုသမ္ပယုတ္တဒုကံ

၁၀. ကုသလံ ဟေတုသမ္ပယုတ္တံ ဓမ္မံ ပဋိစ္စ နကုသလော နဟေတုသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ. (သဟေတုကဒုကသဒိသံ.)

၁-၄. ကုသလတ္တိက-ဟေတုသဟေတုကဒုကံ

၁၁. ကုသလံ ဟေတုဉ္စေဝ သဟေတုကဉ္စ ဓမ္မံ ပဋိစ္စ နအကုသလော နဟေတု စေဝ နအဟေတုကော စ ဓမ္မော ဥပ္ပဇ္ဇတိ ဟေတုပစ္စယာ. ကုသလံ ဟေတုဉ္စေဝ သဟေတုကဉ္စ ဓမ္မံ ပဋိစ္စ နအဗျာကတော နဟေတု စေဝ နအဟေတုကော စ ဓမ္မော ဥပ္ပဇ္ဇတိ ဟေတုပစ္စယာ. ကုသလံ ဟေတုဉ္စေဝ သဟေတုကဉ္စ ဓမ္မံ ပဋိစ္စ နအကုသလော နဟေတု စေဝ နအဟေတုကော စ နအဗျာကတော နဟေတု စေဝ နအဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)

အကုသလံ ဟေတုဉ္စေဝ သဟေတုကဉ္စ ဓမ္မံ ပဋိစ္စ နကုသလော နဟေတု စေဝ နအဟေတုကော စ ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

အဗျာကတံ ဟေတုဉ္စေဝ သဟေတုကဉ္စ ဓမ္မံ ပဋိစ္စ နကုသလော နဟေတု စေဝ နအဟေတုကော စ ဓမ္မော ဥပ္ပဇ္ဇတိ ဟေတုပစ္စယာ. အဗျာကတံ ဟေတုဉ္စေဝ သဟေတုကဉ္စ ဓမ္မံ ပဋိစ္စ နအကုသလော နဟေတု စေဝ နအဟေတုကော စ ဓမ္မော ဥပ္ပဇ္ဇတိ ဟေတုပစ္စယာ. အဗျာကတံ ဟေတုဉ္စေဝ သဟေတုကဉ္စ ဓမ္မံ ပဋိစ္စ နကုသလော နဟေတု စေဝ နအဟေတုကော စ နအကုသလော နဟေတု စေဝ နအဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ. (၃) (သံခိတ္တံ.)

ဟေတုယာ နဝ.

၁၂. ကုသလံ သဟေတုကဉ္စေဝ န စ ဟေတုံ ဓမ္မံ ပဋိစ္စ နအကုသလော နအဟေတုကော စေဝ နနဟေတု စ ဓမ္မော ဥပ္ပဇ္ဇတိ ဟေတုပစ္စယာ. ကုသလံ သဟေတုကဉ္စေဝ န စ ဟေတုံ ဓမ္မံ ပဋိစ္စ နအဗျာကတော နအဟေတုကော စေဝ နနဟေတု စ ဓမ္မော ဥပ္ပဇ္ဇတိ ဟေတုပစ္စယာ. ကုသလံ သဟေတုကဉ္စေဝ န စ ဟေတုံ ဓမ္မံ ပဋိစ္စ နအကုသလော နအဟေတုကော စေဝ နနဟေတု စ နအဗျာကတော နအဟေတုကော စေဝ နနဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ. တီဏိ.

အကုသလံ သဟေတုကဉ္စေဝ န စ ဟေတုံ ဓမ္မံ ပဋိစ္စ နကုသလော နအဟေတုကော စေဝ နနဟေတု စ ဓမ္မော ဥပ္ပဇ္ဇတိ ဟေတုပစ္စယာ. အကုသလံ သဟေတုကဉ္စေဝ န စ ဟေတုံ ဓမ္မံ ပဋိစ္စ နအဗျာကတော နအဟေတုကော စေဝ နနဟေတု စ ဓမ္မော ဥပ္ပဇ္ဇတိ ဟေတုပစ္စယာ. အကုသလံ သဟေတုကဉ္စေဝ န စ ဟေတုံ ဓမ္မံ ပဋိစ္စ နအကုသလော နအဟေတုကော စေဝ နနဟေတု စ နအဗျာကတော နအဟေတုကော စေဝ နနဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ. တီဏိ.

အဗျာကတံ သဟေတုကဉ္စေဝ န စ ဟေတုံ ဓမ္မံ ပဋိစ္စ နကုသလော နအဟေတုကော စေဝ နနဟေတု စ ဓမ္မော ဥပ္ပဇ္ဇတိ ဟေတုပစ္စယာ. အဗျာကတံ သဟေတုကဉ္စေဝ န စ ဟေတုံ ဓမ္မံ ပဋိစ္စ နအကုသလော နအဟေတုကော စေဝ နနဟေတု စ ဓမ္မော ဥပ္ပဇ္ဇတိ ဟေတုပစ္စယာ. အဗျာကတံ သဟေတုကဉ္စေဝ န စ ဟေတုံ ဓမ္မံ ပဋိစ္စ နကုသလော နအဟေတုကော စေဝ နနဟေတု စ နအကုသလော နအဟေတုကော စေဝ နနဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ. တီဏိ.

၁-၅. ကုသလတ္တိက-ဟေတုဟေတုသမ္ပယုတ္တဒုကံ

၁၃. ကုသလံ ဟေတုဉ္စေဝ ဟေတုသမ္ပယုတ္တဉ္စ ဓမ္မံ ပဋိစ္စ နအကုသလော နဟေတု စေဝ နဟေတုဝိပ္ပယုတ္တော စ ဓမ္မော ဥပ္ပဇ္ဇတိ ဟေတုပစ္စယာ. ကုသလံ ဟေတုဉ္စေဝ ဟေတုသမ္ပယုတ္တဉ္စ ဓမ္မံ ပဋိစ္စ နအဗျာကတော နဟေတု စေဝ နဟေတုဝိပ္ပယုတ္တော စ ဓမ္မော ဥပ္ပဇ္ဇတိ ဟေတုပစ္စယာ. ကုသလံ ဟေတုဉ္စေဝ ဟေတုသမ္ပယုတ္တဉ္စ ဓမ္မံ ပဋိစ္စ နအကုသလော နဟေတု စေဝ နဟေတုဝိပ္ပယုတ္တော စ နအဗျာကတော နဟေတု စေဝ နဟေတုဝိပ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ. တီဏိ.

(အကုသလံ တီဏိ ကာတဗ္ဗံ၊ အဗျာကတံ တီဏိ ကာတဗ္ဗံ.)

ဟေတုယာ နဝ.

၁၄. ကုသလံ ဟေတုသမ္ပယုတ္တဉ္စေဝ န စ ဟေတုံ ဓမ္မံ ပဋိစ္စ နအကုသလော နဟေတုဝိပ္ပယုတ္တော စေဝ နနဟေတု စ ဓမ္မော ဥပ္ပဇ္ဇတိ ဟေတုပစ္စယာ. ကုသလံ ဟေတုသမ္ပယုတ္တဉ္စေဝ န စ ဟေတုံ ဓမ္မံ ပဋိစ္စ နအဗျာကတော နဟေတုဝိပ္ပယုတ္တော စေဝ နနဟေတု စ ဓမ္မော ဥပ္ပဇ္ဇတိ ဟေတုပစ္စယာ. ကုသလံ ဟေတုသမ္ပယုတ္တဉ္စေဝ န စ ဟေတုံ ဓမ္မံ ပဋိစ္စ နအကုသလော နဟေတုဝိပ္ပယုတ္တော စေဝ နနဟေတု စ နအဗျာကတော နဟေတုဝိပ္ပယုတ္တော စေဝ နနဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ. တီဏိ.

အကုသလံ ဟေတုသမ္ပယုတ္တဉ္စေဝ န စ ဟေတုံ ဓမ္မံ ပဋိစ္စ။ တီဏိ. အဗျာကတံ။ တီဏိ. ဟေတုယာ နဝ.

၁-၆. ကုသလတ္တိက-ဟေတုသဟေတုကဒုကံ

၁၅. ကုသလံ နဟေတုံ သဟေတုကံ ဓမ္မံ ပဋိစ္စ နကုသလော နဟေတု နသဟေတုကော ဓမ္မော ဥပ္ပဇ္ဇတိ ဟေတုပစ္စယာ. ကုသလံ နဟေတုံ သဟေတုကံ ဓမ္မံ ပဋိစ္စ နအကုသလော နဟေတု နသဟေတုကော ဓမ္မော ဥပ္ပဇ္ဇတိ ဟေတုပစ္စယာ. ကုသလံ နဟေတုံ သဟေတုကံ ဓမ္မံ ပဋိစ္စ နကုသလော နဟေတု နသဟေတုကော စ နအကုသလော နဟေတု နသဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ. တီဏိ.

အကုသလံ နဟေတုံ သဟေတုကံ။ တီဏိ.

အဗျာကတံ နဟေတုံ သဟေတုကံ ဓမ္မံ ပဋိစ္စ နကုသလော။ပေ။ နအကုသလော။ပေ။ နကုသလော နဟေတု နသဟေတုကော စ နအကုသလော နဟေတု နသဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ။ တီဏိ.

၁၆. အဗျာကတံ နဟေတုံ အဟေတုကံ ဓမ္မံ ပဋိစ္စ နကုသလော နဟေတု နအဟေတုကော ဓမ္မော ဥပ္ပဇ္ဇတိ ဟေတုပစ္စယာ. အဗျာကတံ နဟေတုံ အဟေတုကံ ဓမ္မံ ပဋိစ္စ နအကုသလော နဟေတု နအဟေတုကော ဓမ္မော ဥပ္ပဇ္ဇတိ ဟေတုပစ္စယာ. အဗျာကတံ နဟေတုံ အဟေတုကံ ဓမ္မံ ပဋိစ္စ နကုသလော နဟေတု နအဟေတုကော စ နအကုသလော နဟေတု နအဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)

ဟေတုဂေါစ္ဆကံ နိဋ္ဌိတံ.

၁-၇-၈. ကုသလတ္တိက-သပ္ပစ္စယာဒိဒုကာနိ

၁၇. အဗျာကတော အပ္ပစ္စယော ဓမ္မော နအဗျာကတဿ နအပ္ပစ္စယဿ ဓမ္မဿ အာရမ္မဏပစ္စယေန ပစ္စယော. အဗျာကတော အပ္ပစ္စယော ဓမ္မော နကုသလဿ နအပ္ပစ္စယဿ ဓမ္မဿ အာရမ္မဏပစ္စယေန ပစ္စယော. အဗျာကတော အပ္ပစ္စယော ဓမ္မော နအကုသလဿ နအပ္ပစ္စယဿ ဓမ္မဿ အာရမ္မဏပစ္စယေန ပစ္စယော. အဗျာကတော အပ္ပစ္စယော ဓမ္မော နအကုသလဿ နအပ္ပစ္စယဿ စ နအဗျာကတဿ နအပ္ပစ္စယဿ စ ဓမ္မဿ အာရမ္မဏပစ္စယေန ပစ္စယော. အဗျာကတော အပ္ပစ္စယော ဓမ္မော နကုသလဿ နအပ္ပစ္စယဿ စ နအကုသလဿ နအပ္ပစ္စယဿ စ ဓမ္မဿ အာရမ္မဏပစ္စယေန ပစ္စယော. (၅)

အာရမ္မဏေ ပဉ္စ. (အသင်္ခတံ အပ္ပစ္စယသဒိသံ.)

၁-၉. ကုသလတ္တိက-သနိဒဿနဒုကံ

၁၈. အဗျာကတော သနိဒဿနော ဓမ္မော နအဗျာကတဿ နသနိဒဿနဿ ဓမ္မဿ အာရမ္မဏပစ္စယေန ပစ္စယော. အဗျာကတော သနိဒဿနော ဓမ္မော နကုသလဿ နသနိဒဿနဿ။ပေ။ (ဆ ပဉှာ ကာတဗ္ဗာ).

ကုသလံ အနိဒဿနံ ဓမ္မံ ပဋိစ္စ နကုသလော နအနိဒဿနော ဓမ္မော ဥပ္ပဇ္ဇတိ ဟေတုပစ္စယာ. အကုသလေန တီဏိယေဝ. အဗျာကတေန တီဏိယေဝ. ဟေတုယာ နဝ.

၁-၁၀. ကုသလတ္တိက-သပ္ပဋိဃဒုကံ

၁၉. အဗျာကတံ သပ္ပဋိဃံ ဓမ္မံ ပဋိစ္စ နကုသလော နသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ. အဗျာကတံ သပ္ပဋိဃံ ဓမ္မံ ပဋိစ္စ နအကုသလော နသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ. အဗျာကတံ သပ္ပဋိဃံ ဓမ္မံ ပဋိစ္စ နကုသလော နသပ္ပဋိဃော စ နအကုသလော နသပ္ပဋိဃော စ ဓမ္မာ ဥပ္ပဇ္ဇန္တိ ဟေတုပစ္စယာ. ဟေတုယာ တီဏိ.

ကုသလံ အပ္ပဋိဃေန တီဏိ. အကုသလံ အပ္ပဋိဃေန တီဏိ. အဗျာကတံ အပ္ပဋိဃေန တီဏိ. ကုသလံ အပ္ပဋိဃဉ္စ အဗျာကတံ အပ္ပဋိဃဉ္စ တီဏိ. အကုသလံ အပ္ပဋိဃဉ္စ အဗျာကတံ အပ္ပဋိဃဉ္စ တီဏိ. ဟေတုယာ ပန္နရသ.

၁-၁၁. ကုသလတ္တိက-ရူပီဒုကံ

၂၀. အဗျာကတံ ရူပိံ ဓမ္မံ ပဋိစ္စ နကုသလော နရူပီ ဓမ္မော ဥပ္ပဇ္ဇတိ ဟေတုပစ္စယာ. အဗျာကတံ ရူပိံ ဓမ္မံ ပဋိစ္စ နအကုသလော နရူပီ ဓမ္မော ဥပ္ပဇ္ဇတိ ဟေတုပစ္စယာ. အဗျာကတံ ရူပိံ ဓမ္မံ ပဋိစ္စ နကုသလော နရူပီ စ နအကုသလော နရူပီ စ ဓမ္မာ ဥပ္ပဇ္ဇန္တိ ဟေတုပစ္စယာ. ဟေတုယာ တီဏိ.

ကုသလံ အရူပိံ ဓမ္မံ ပဋိစ္စ တီဏိ. အကုသလံ အရူပိံ ဓမ္မံ ပဋိစ္စ တီဏိ. အဗျာကတံ အရူပိံ ဓမ္မံ ပဋိစ္စ တီဏိ. ဟေတုယာ နဝ.

၁-၁၂. ကုသလတ္တိက-လောကိယဒုကံ

၂၁. အဗျာကတံ လောကိယံ ဓမ္မံ ပစ္စယာ နအဗျာကတော နလောကိယော ဓမ္မော ဥပ္ပဇ္ဇတိ ဟေတုပစ္စယာ. အဗျာကတံ လောကိယံ ဓမ္မံ ပစ္စယာ နကုသလော နလောကိယော ဓမ္မော ဥပ္ပဇ္ဇတိ ဟေတုပစ္စယာ. အဗျာကတံ လောကိယံ ဓမ္မံ ပစ္စယာ နအကုသလော နလောကိယော ဓမ္မော ဥပ္ပဇ္ဇတိ ဟေတုပစ္စယာ. အဗျာကတံ လောကိယံ ဓမ္မံ ပစ္စယာ နအကုသလော နလောကိယော စ နအဗျာကတော နလောကိယော စ ဓမ္မာ ဥပ္ပဇ္ဇန္တိ ဟေတုပစ္စယာ. အဗျာကတံ လောကိယံ ဓမ္မံ ပစ္စယာ နကုသလော နလောကိယော စ နအကုသလော နလောကိယော စ ဓမ္မာ ဥပ္ပဇ္ဇန္တိ ဟေတုပစ္စယာ. ဟေတုယာ ပဉ္စ.

ကုသလံ လောကုတ္တရံ ဓမ္မံ ပဋိစ္စ နကုသလော နလောကုတ္တရော ဓမ္မော ဥပ္ပဇ္ဇတိ ဟေတုပစ္စယာ. ကုသလံ လောကုတ္တရံ ဓမ္မံ ပဋိစ္စ နအကုသလော နလောကုတ္တရော ဓမ္မော ဥပ္ပဇ္ဇတိ ဟေတုပစ္စယာ. ကုသလံ လောကုတ္တရံ ဓမ္မံ ပဋိစ္စ နကုသလော နလောကုတ္တရော စ နအကုသလော နလောကုတ္တရော စ ဓမ္မာ ဥပ္ပဇ္ဇန္တိ ဟေတုပစ္စယာ. တီဏိ.

အဗျာကတံ လောကုတ္တရံ ဓမ္မံ ပဋိစ္စ နကုသလော နလောကုတ္တရော ဓမ္မော ဥပ္ပဇ္ဇတိ ဟေတုပစ္စယာ. အဗျာကတံ လောကုတ္တရံ ဓမ္မံ ပဋိစ္စ နအကုသလော နလောကုတ္တရော ဓမ္မော ဥပ္ပဇ္ဇတိ ဟေတုပစ္စယာ. အဗျာကတံ လောကုတ္တရံ ဓမ္မံ ပဋိစ္စ နကုသလော နလောကုတ္တရော စ နအကုသလော နလောကုတ္တရော စ ဓမ္မာ ဥပ္ပဇ္ဇန္တိ ဟေတုပစ္စယာ. တီဏိ.

၁-၁၃. ကုသလတ္တိက-ကေနစိဝိညေယျဒုကံ

၂၂. ကုသလံ ကေနစိ ဝိညေယျံ ဓမ္မံ ပဋိစ္စ နကုသလော နကေနစိ ဝိညေယျော ဓမ္မော ဥပ္ပဇ္ဇတိ ဟေတုပစ္စယာ. ကုသလံ ကေနစိ ဝိညေယျံ ဓမ္မံ ပဋိစ္စ နအကုသလော နကေနစိ ဝိညေယျော ဓမ္မော ဥပ္ပဇ္ဇတိ ဟေတုပစ္စယာ. ကုသလံ ကေနစိ ဝိညေယျံ ဓမ္မံ ပဋိစ္စ နအဗျာကတော နကေနစိ ဝိညေယျော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ ဧကူနဝီသတိ.

၂၃. ကုသလံ ကေနစိ နဝိညေယျံ ဓမ္မံ ပဋိစ္စ နကုသလော နကေနစိ နဝိညေယျော ဓမ္မော ဥပ္ပဇ္ဇတိ ဟေတုပစ္စယာ. ကုသလံ ကေနစိ နဝိညေယျံ ဓမ္မံ ပဋိစ္စ နအကုသလော နကေနစိ နဝိညေယျော ဓမ္မော ဥပ္ပဇ္ဇတိ ဟေတုပစ္စယာ. ကုသလံ ကေနစိ နဝိညေယျံ ဓမ္မံ ပဋိစ္စ နအဗျာကတော နကေနစိ နဝိညေယျော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.)

(ဧတေန ဥပါယေန ကေနစိ နဝိညေယျေ ဧကူနဝီသတိ ပဉှာ ကာတဗ္ဗာ.)

၁-၁၄-၁၉. ကုသလတ္တိက-အာသဝဂေါစ္ဆကံ

၂၄. အကုသလံ အာသဝံ ဓမ္မံ ပဋိစ္စ နအကုသလော နအာသဝေါ ဓမ္မော။ပေ။ နကုသလော နအာသဝေါ ဓမ္မော။ပေ။ နအဗျာကတော နအာသဝေါ ဓမ္မော။ပေ။ နကုသလော နအာသဝေါ စ နအဗျာကတော နအာသဝေါ စ ဓမ္မာ။ပေ။ နကုသလော နအာသဝေါ စ နအကုသလော နအာသဝေါ စ ဓမ္မာ ဥပ္ပဇ္ဇန္တိ ဟေတုပစ္စယာ. ဟေတုယာ ပဉ္စ၊ အာရမ္မဏေ တီဏိ။ပေ။ အဝိဂတေ ပဉ္စ.

အကုသလံ နောအာသဝံ ဓမ္မံ ပဋိစ္စ နကုသလော နနောအာသဝေါ ဓမ္မော ဥပ္ပဇ္ဇတိ ဟေတုပစ္စယာ. အကုသလံ နောအာသဝံ ဓမ္မံ ပဋိစ္စ နအဗျာကတော နနောအာသဝေါ ဓမ္မော။ပေ။ နကုသလော နနောအာသဝေါ စ နအဗျာကတော နနောအာသဝေါ စ ဓမ္မာ ဥပ္ပဇ္ဇန္တိ ဟေတုပစ္စယာ. ဟေတုယာ တီဏိ။ပေ။ အဝိဂတေ တီဏိ.

၂၅. အဗျာကတံ သာသဝံ ဓမ္မံ ပဋိစ္စ။ပေ။ (လောကိယဒုကသဒိသံ).

၂၆. အကုသလံ အာသဝသမ္ပယုတ္တံ ဓမ္မံ ပဋိစ္စ နအကုသလော နအာသဝသမ္ပယုတ္တော ဓမ္မော ။ပေ။ နကုသလော နအာသဝသမ္ပယုတ္တော ဓမ္မော။ပေ။ နအဗျာကတော နအာသဝသမ္ပယုတ္တော ဓမ္မော။ပေ။ နကုသလော နအာသဝသမ္ပယုတ္တော စ နအဗျာကတော နအာသဝသမ္ပယုတ္တော စ ဓမ္မာ။ပေ။ နကုသလော နအာသဝသမ္ပယုတ္တော စ နအကုသလော နအာသဝသမ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ. ဟေတုယာ ပဉ္စ.

အကုသလံ အာသဝဝိပ္ပယုတ္တံ ဓမ္မံ ပဋိစ္စ နကုသလော နအာသဝဝိပ္ပယုတ္တော ဓမ္မော။ပေ။ နအဗျာကတော နအာသဝဝိပ္ပယုတ္တော ဓမ္မော။ပေ။ နကုသလော နအာသဝဝိပ္ပယုတ္တော စ နအဗျာကတော နအာသဝဝိပ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ. ဟေတုယာ တီဏိ.

၂၇. အကုသလံ အာသဝဉ္စေဝ သာသဝဉ္စ ဓမ္မံ ပဋိစ္စ နအကုသလော နအာသဝေါ စေဝ နအနာသဝေါ စ ဓမ္မော။ပေ။ နကုသလော နအာသဝေါ စေဝ နအနာသဝေါ စ ဓမ္မော။ပေ။ နအဗျာကတော နအာသဝေါ စေဝ နအနာသဝေါ စ ဓမ္မော။ပေ။ နကုသလော နအာသဝေါ စေဝ နအနာသဝေါ စ နအဗျာကတော နအာသဝေါ စေဝ နအနာသဝေါ စ ဓမ္မာ။ပေ။ နကုသလော နအာသဝေါ စေဝ နအနာသဝေါ စ နအကုသလော နအာသဝေါ စေဝ နအနာသဝေါ စ ဓမ္မာ ဥပ္ပဇ္ဇန္တိ ဟေတုပစ္စယာ. ဟေတုယာ ပဉ္စ.

အကုသလံ သာသဝဉ္စေဝ နော စ အာသဝံ ဓမ္မံ ပဋိစ္စ နအကုသလော နအနာသဝေါ စေဝ နနော စ အာသဝေါ ဓမ္မော။ပေ။ နအဗျာကတော နအနာသဝေါ စေဝ နနော စ အာသဝေါ ဓမ္မော။ပေ။ နကုသလော နအနာသဝေါ စေဝ နနော စ အာသဝေါ နအဗျာကတော နအနာသဝေါ စေဝ နနော အာသဝေါ စ ဓမ္မာ ဥပ္ပဇ္ဇန္တိ ဟေတုပစ္စယာ. ဟေတုယာ တီဏိ.

၂၈. အကုသလံ အာသဝဉ္စေဝ အာသဝသမ္ပယုတ္တဉ္စ ဓမ္မံ ပဋိစ္စ နကုသလော နအာသဝေါ စေဝ နအာသဝဝိပ္ပယုတ္တော စ ဓမ္မော။ပေ။ နအဗျာကတော နအာသဝေါ စေဝ နအာသဝဝိပ္ပယုတ္တော စ ဓမ္မော။ပေ။ နကုသလော နအာသဝေါ စေဝ နအာသဝဝိပ္ပယုတ္တော စ နအဗျာကတော နအာသဝေါ စေဝ နအာသဝဝိပ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ. ဟေတုယာ တီဏိ.

အကုသလံ အာသဝသမ္ပယုတ္တဉ္စေဝ နော စ အာသဝံ ဓမ္မံ ပဋိစ္စ နကုသလော နအာသဝဝိပ္ပယုတ္တော စေဝ နနော စ အာသဝေါ ဓမ္မော။ပေ။ နအဗျာကတော နအာသဝဝိပ္ပယုတ္တော စေဝ နနော စ အာသဝေါ ဓမ္မော ။ပေ။ နကုသလော နအာသဝဝိပ္ပယုတ္တော စေဝ နနောအာသဝေါ စ နအဗျာကတော နအာသဝဝိပ္ပယုတ္တော စေဝ နနော စ အာသဝေါ စ ဓမ္မာ ဥပ္ပဇ္ဇန္တိ ဟေတုပစ္စယာ. ဟေတုယာ တီဏိ.

၂၉. အဗျာကတံ အာသဝဝိပ္ပယုတ္တံ သာသဝံ ဓမ္မံ ပဋိစ္စ။ပေ။ (လောကိယဒုကသဒိသံ).

၁-၂၀-၅၄. ကုသလတ္တိက-ဆဂေါစ္ဆကဒုကာနိ

၃၀. အကုသလံ သညောဇနံ ဓမ္မံ ပဋိစ္စ။ပေ။ ဂန္ထံ။ပေ။ ဩဃံ။ပေ။ ယောဂံ။ပေ။ နီဝရဏံ။ပေ။ ပရာမာသံ. (သံခိတ္တံ.)

၁-၅၅. ကုသလတ္တိက-သာရမ္မဏဒုကံ

၃၁. ကုသလံ သာရမ္မဏံ ဓမ္မံ ပဋိစ္စ နကုသလော နသာရမ္မဏော ဓမ္မော ဥပ္ပဇ္ဇတိ ဟေတုပစ္စယာ. ကုသလံ သာရမ္မဏံ ဓမ္မံ ပဋိစ္စ နအကုသလော နသာရမ္မဏော ဓမ္မော ဥပ္ပဇ္ဇတိ ဟေတုပစ္စယာ. ကုသလံ သာရမ္မဏံ ဓမ္မံ ပဋိစ္စ နကုသလော နသာရမ္မဏော စ နအကုသလော နသာရမ္မဏော စ ဓမ္မာ ဥပ္ပဇ္ဇန္တိ ဟေတုပစ္စယာ. တီဏိ.

အကုသလံ သာရမ္မဏံ ဓမ္မံ ပဋိစ္စ နအကုသလော နသာရမ္မဏော ဓမ္မော ဥပ္ပဇ္ဇတိ ဟေတုပစ္စယာ. အကုသလံ သာရမ္မဏံ ဓမ္မံ ပဋိစ္စ နကုသလော နသာရမ္မဏော ဓမ္မော ဥပ္ပဇ္ဇတိ ဟေတုပစ္စယာ. အကုသလံ သာရမ္မဏံ ဓမ္မံ ပဋိစ္စ နကုသလော နသာရမ္မဏော စ နအကုသလော နသာရမ္မဏော စ ဓမ္မာ ဥပ္ပဇ္ဇန္တိ ဟေတုပစ္စယာ. တီဏိ.

အဗျာကတံ သာရမ္မဏံ ဓမ္မံ ပဋိစ္စ နကုသလော နသာရမ္မဏော ဓမ္မော ဥပ္ပဇ္ဇတိ ဟေတုပစ္စယာ. တီဏိ.

ဟေတုယာ နဝ.

၃၂. အဗျာကတံ အနာရမ္မဏံ ဓမ္မံ ပဋိစ္စ နကုသလော နအနာရမ္မဏော ဓမ္မော ဥပ္ပဇ္ဇတိ ဟေတုပစ္စယာ. အဗျာကတံ အနာရမ္မဏံ ဓမ္မံ ပဋိစ္စ နအကုသလော နအနာရမ္မဏော ဓမ္မော ဥပ္ပဇ္ဇတိ ဟေတုပစ္စယာ. အဗျာကတံ အနာရမ္မဏံ ဓမ္မံ ပဋိစ္စ နကုသလော နအနာရမ္မဏော စ နအကုသလော နအနာရမ္မဏော စ ဓမ္မာ ဥပ္ပဇ္ဇန္တိ ဟေတုပစ္စယာ. (သံခိတ္တံ.) ဟေတုယာ တီဏိ.

၁-၅၆. ကုသလတ္တိက-စိတ္တဒုကံ

၃၃. ကုသလံ စိတ္တံ ဓမ္မံ ပဋိစ္စ နကုသလော နစိတ္တော ဓမ္မော ဥပ္ပဇ္ဇတိ ဟေတုပစ္စယာ. ကုသလံ စိတ္တံ ဓမ္မံ ပဋိစ္စ နအကုသလော နစိတ္တော ဓမ္မော ဥပ္ပဇ္ဇတိ ဟေတုပစ္စယာ. ကုသလံ စိတ္တံ ဓမ္မံ ပဋိစ္စ နအဗျာကတော နစိတ္တော ဓမ္မော ဥပ္ပဇ္ဇတိ ဟေတုပစ္စယာ. ကုသလံ စိတ္တံ ဓမ္မံ ပဋိစ္စ နအကုသလော နစိတ္တော စ နအဗျာကတော နစိတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ. ကုသလံ စိတ္တံ ဓမ္မံ ပဋိစ္စ နကုသလော နစိတ္တော စ နအကုသလော နစိတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ. ပဉ္စ.

အကုသလံ စိတ္တံ ဓမ္မံ ပဋိစ္စ နအကုသလော နစိတ္တော ဓမ္မော ဥပ္ပဇ္ဇတိ ဟေတုပစ္စယာ. အကုသလံ စိတ္တံ ဓမ္မံ ပဋိစ္စ နကုသလော နစိတ္တော ဓမ္မော ဥပ္ပဇ္ဇတိ ဟေတုပစ္စယာ. အကုသလံ စိတ္တံ ဓမ္မံ ပဋိစ္စ နအဗျာကတော နစိတ္တော ဓမ္မော ဥပ္ပဇ္ဇတိ ဟေတုပစ္စယာ. အကုသလံ စိတ္တံ ဓမ္မံ ပဋိစ္စ နကုသလော နစိတ္တော စ နအဗျာကတော နစိတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ. အကုသလံ စိတ္တံ ဓမ္မံ ပဋိစ္စ နကုသလော နစိတ္တော စ နအကုသလော နစိတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ. ပဉ္စ.

အဗျာကတံ စိတ္တံ ဓမ္မံ ပဋိစ္စ နကုသလော နစိတ္တော ဓမ္မော ဥပ္ပဇ္ဇတိ ဟေတုပစ္စယာ. အဗျာကတံ စိတ္တံ ဓမ္မံ ပဋိစ္စ နအကုသလော နစိတ္တော ဓမ္မော ဥပ္ပဇ္ဇတိ ဟေတုပစ္စယာ. အဗျာကတံ စိတ္တံ ဓမ္မံ ပဋိစ္စ နကုသလော နစိတ္တော စ နအကုသလော နစိတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ. တီဏိ. ဟေတုယာ တေရသ.

၃၄. ကုသလံ နောစိတ္တံ ဓမ္မံ ပဋိစ္စ နအကုသလော နနောစိတ္တော ဓမ္မော ဥပ္ပဇ္ဇတိ ဟေတုပစ္စယာ. ကုသလံ နောစိတ္တံ ဓမ္မံ ပဋိစ္စ နအဗျာကတော နနောစိတ္တော ဓမ္မော ဥပ္ပဇ္ဇတိ ဟေတုပစ္စယာ. ကုသလံ နောစိတ္တံ ဓမ္မံ ပဋိစ္စ နအကုသလော နနောစိတ္တော စ နအဗျာကတော နနောစိတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ. တီဏိ.

အကုသလံ နောစိတ္တံ ဓမ္မံ ပဋိစ္စ နကုသလော နနောစိတ္တော ဓမ္မော ဥပ္ပဇ္ဇတိ ဟေတုပစ္စယာ. အကုသလံ နောစိတ္တံ ဓမ္မံ ပဋိစ္စ နအဗျာကတော နနောစိတ္တော ဓမ္မော ဥပ္ပဇ္ဇတိ ဟေတုပစ္စယာ. အကုသလံ နောစိတ္တံ ဓမ္မံ ပဋိစ္စ နကုသလော နနောစိတ္တော စ နအဗျာကတော နနောစိတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ. တီဏိ.

အဗျာကတာနိ တီဏိ. ဟေတုယာ နဝ.

၁-၅၇. ကုသလတ္တိက-စေတသိကဒုကံ

၃၅. ကုသလံ စေတသိကံ ဓမ္မံ ပဋိစ္စ နကုသလော နစေတသိကော ဓမ္မော ဥပ္ပဇ္ဇတိ ဟေတုပစ္စယာ. ကုသလံ စေတသိကံ ဓမ္မံ ပဋိစ္စ နအကုသလော နစေတသိကော ဓမ္မော ဥပ္ပဇ္ဇတိ ဟေတုပစ္စယာ. ကုသလံ စေတသိကံ ဓမ္မံ ပဋိစ္စ နအဗျာကတော နစေတသိကော ဓမ္မော ဥပ္ပဇ္ဇတိ ဟေတုပစ္စယာ. ကုသလံ စေတသိကံ ဓမ္မံ ပဋိစ္စ နအကုသလော နစေတသိကော စ နအဗျာကတော နစေတသိကော စ ဓမ္မာ ဥပ္ပဇ္ဇန္တိ ဟေတုပစ္စယာ. ကုသလံ စေတသိကံ ဓမ္မံ ပဋိစ္စ နကုသလော နစေတသိကော စ နအကုသလော နစေတသိကော စ ဓမ္မာ ဥပ္ပဇ္ဇန္တိ ဟေတုပစ္စယာ. ပဉ္စ.

အကုသလံ စေတသိကံ ဓမ္မံ ပဋိစ္စ နအကုသလော နစေတသိကော ဓမ္မော ဥပ္ပဇ္ဇတိ ဟေတုပစ္စယာ. အကုသလံ စေတသိကံ ဓမ္မံ ပဋိစ္စ နကုသလော နစေတသိကော ဓမ္မော ဥပ္ပဇ္ဇတိ ဟေတုပစ္စယာ. အကုသလံ စေတသိကံ ဓမ္မံ ပဋိစ္စ နအဗျာကတော နစေတသိကော ဓမ္မော ဥပ္ပဇ္ဇတိ ဟေတုပစ္စယာ. အကုသလံ စေတသိကံ ဓမ္မံ ပဋိစ္စ နကုသလော နစေတသိကော စ နအဗျာကတော နစေတသိကော စ ဓမ္မာ ဥပ္ပဇ္ဇန္တိ ဟေတုပစ္စယာ. အကုသလံ စေတသိကံ ဓမ္မံ ပဋိစ္စ နကုသလော နစေတသိကော စ နအကုသလော နစေတသိကော စ ဓမ္မာ ဥပ္ပဇ္ဇန္တိ ဟေတုပစ္စယာ. ပဉ္စ.

အဗျာကတံ စေတသိကံ ဓမ္မံ ပဋိစ္စ နကုသလော နစေတသိကော ဓမ္မော ဥပ္ပဇ္ဇတိ ဟေတုပစ္စယာ. အဗျာကတံ စေတသိကံ ဓမ္မံ ပဋိစ္စ နအကုသလော နစေတသိကော ဓမ္မော ဥပ္ပဇ္ဇတိ ဟေတုပစ္စယာ. အဗျာကတံ စေတသိကံ ဓမ္မံ ပဋိစ္စ နကုသလော နစေတသိကော စ နအကုသလော နစေတသိကော စ ဓမ္မာ ဥပ္ပဇ္ဇန္တိ ဟေတုပစ္စယာ. တီဏိ.

ဟေတုယာ တေရသ. အစေတသိကာနိ နဝ.

၁-၅၈. ကုသလတ္တိက-စိတ္တသမ္ပယုတ္တဒုကံ

၃၆. ကုသလံ စိတ္တသမ္ပယုတ္တံ ဓမ္မံ ပဋိစ္စ နကုသလော နစိတ္တသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ. ကုသလံ စိတ္တသမ္ပယုတ္တံ ဓမ္မံ ပဋိစ္စ နအကုသလော နစိတ္တသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ. ကုသလံ စိတ္တသမ္ပယုတ္တံ ဓမ္မံ ပဋိစ္စ နအဗျာကတော နစိတ္တသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ. ကုသလံ စိတ္တသမ္ပယုတ္တံ ဓမ္မံ ပဋိစ္စ နအကုသလော နစိတ္တသမ္ပယုတ္တော စ နအဗျာကတော နစိတ္တသမ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ. ကုသလံ စိတ္တသမ္ပယုတ္တံ ဓမ္မံ ပဋိစ္စ နကုသလော နစိတ္တသမ္ပယုတ္တော စ နအကုသလော နစိတ္တသမ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ. ပဉ္စ.

အကုသလံ စိတ္တသမ္ပယုတ္တံ ဓမ္မံ ပဋိစ္စ နအကုသလော နစိတ္တသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ ပဉ္စ.

အဗျာကတံ စိတ္တသမ္ပယုတ္တံ ဓမ္မံ ပဋိစ္စ နကုသလော နစိတ္တသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ. အဗျာကတံ စိတ္တသမ္ပယုတ္တံ ဓမ္မံ ပဋိစ္စ နအကုသလော နစိတ္တသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ. အဗျာကတံ စိတ္တသမ္ပယုတ္တံ ဓမ္မံ ပဋိစ္စ နကုသလော နစိတ္တသမ္ပယုတ္တော စ နအကုသလော နစိတ္တသမ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ. တီဏိ. (သံခိတ္တံ.) ဟေတုယာ တေရသ. စိတ္တဝိပ္ပယုတ္တေ တီဏိ.

၁-၅၉. ကုသလတ္တိက-စိတ္တသံသဋ္ဌဒုကံ

၃၇. ကုသလံ စိတ္တသံသဋ္ဌံ ဓမ္မံ ပဋိစ္စ နကုသလော နစိတ္တသံသဋ္ဌော ဓမ္မော ဥပ္ပဇ္ဇတိ ဟေတုပစ္စယာ. ကုသလံ စိတ္တသံသဋ္ဌံ ဓမ္မံ ပဋိစ္စ နအကုသလော နစိတ္တသံသဋ္ဌော ဓမ္မော ဥပ္ပဇ္ဇတိ ဟေတုပစ္စယာ. ကုသလံ စိတ္တသံသဋ္ဌံ ဓမ္မံ ပဋိစ္စ နအဗျာကတော နစိတ္တသံသဋ္ဌော ဓမ္မော ဥပ္ပဇ္ဇတိ ဟေတုပစ္စယာ. ကုသလံ စိတ္တသံသဋ္ဌံ ဓမ္မံ ပဋိစ္စ နအကုသလော နစိတ္တသံသဋ္ဌော စ နအဗျာကတော နစိတ္တသံသဋ္ဌော စ ဓမ္မာ ဥပ္ပဇ္ဇန္တိ ဟေတုပစ္စယာ. ကုသလံ စိတ္တသံသဋ္ဌံ ဓမ္မံ ပဋိစ္စ နကုသလော နစိတ္တသံသဋ္ဌော စ နအကုသလော နစိတ္တသံသဋ္ဌော စ ဓမ္မာ ဥပ္ပဇ္ဇန္တိ ဟေတုပစ္စယာ. ပဉ္စ.

အကုသလံ စိတ္တသံသဋ္ဌံ ဓမ္မံ ပဋိစ္စ နအကုသလော နစိတ္တသံသဋ္ဌော ဓမ္မော ဥပ္ပဇ္ဇတိ ဟေတုပစ္စယာ. အကုသလံ စိတ္တသံသဋ္ဌံ ဓမ္မံ ပဋိစ္စ နကုသလော နစိတ္တသံသဋ္ဌော ဓမ္မော ဥပ္ပဇ္ဇတိ ဟေတုပစ္စယာ. အကုသလံ စိတ္တသံသဋ္ဌံ ဓမ္မံ ပဋိစ္စ နအဗျာကတော နစိတ္တသံသဋ္ဌော ဓမ္မော ဥပ္ပဇ္ဇတိ ဟေတုပစ္စယာ. အကုသလံ စိတ္တသံသဋ္ဌံ ဓမ္မံ ပဋိစ္စ နကုသလော နစိတ္တသံသဋ္ဌော စ နအဗျာကတော နစိတ္တသံသဋ္ဌော စ ဓမ္မာ ဥပ္ပဇ္ဇန္တိ ဟေတုပစ္စယာ. အကုသလံ စိတ္တသံသဋ္ဌံ ဓမ္မံ ပဋိစ္စ နကုသလော နစိတ္တသံသဋ္ဌော စ နအကုသလော နစိတ္တသံသဋ္ဌော စ ဓမ္မာ ဥပ္ပဇ္ဇန္တိ ဟေတုပစ္စယာ. ပဉ္စ.

အဗျာကတံ စိတ္တသံသဋ္ဌံ ဓမ္မံ ပဋိစ္စ နကုသလော နစိတ္တသံသဋ္ဌော ဓမ္မော ဥပ္ပဇ္ဇတိ ဟေတုပစ္စယာ. အဗျာကတံ စိတ္တသံသဋ္ဌံ ဓမ္မံ ပဋိစ္စ နအကုသလော နစိတ္တသံသဋ္ဌော ဓမ္မော ဥပ္ပဇ္ဇတိ ဟေတုပစ္စယာ. အဗျာကတံ စိတ္တသံသဋ္ဌံ ဓမ္မံ ပဋိစ္စ နကုသလော နစိတ္တသံသဋ္ဌော စ နအကုသလော နစိတ္တသံသဋ္ဌော စ ဓမ္မာ ဥပ္ပဇ္ဇန္တိ ဟေတုပစ္စယာ. တီဏိ. (သံခိတ္တံ.) ဟေတုယာ တေရသ.

၁-၆၀. ကုသလတ္တိက-စိတ္တသမုဋ္ဌာနဒုကံ

၃၈. ကုသလံ စိတ္တသမုဋ္ဌာနံ ဓမ္မံ ပဋိစ္စ နအကုသလော နစိတ္တသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ. ကုသလံ စိတ္တသမုဋ္ဌာနံ ဓမ္မံ ပဋိစ္စ နအဗျာကတော နစိတ္တသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ. ကုသလံ စိတ္တသမုဋ္ဌာနံ ဓမ္မံ ပဋိစ္စ နအကုသလော နစိတ္တသမုဋ္ဌာနော စ နအဗျာကတော နစိတ္တသမုဋ္ဌာနော စ ဓမ္မာ ဥပ္ပဇ္ဇန္တိ ဟေတုပစ္စယာ. တီဏိ.

အကုသလံ စိတ္တသမုဋ္ဌာနံ ဓမ္မံ ပဋိစ္စ နအကုသလော နစိတ္တသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ. အကုသလံ စိတ္တသမုဋ္ဌာနံ ဓမ္မံ ပဋိစ္စ နအဗျာကတော နစိတ္တသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ. အကုသလံ စိတ္တသမုဋ္ဌာနံ ဓမ္မံ ပဋိစ္စ နကုသလော နစိတ္တသမုဋ္ဌာနော စ နအဗျာကတော နစိတ္တသမုဋ္ဌာနော စ ဓမ္မာ ဥပ္ပဇ္ဇန္တိ ဟေတုပစ္စယာ. တီဏိ.

အဗျာကတံ စိတ္တသမုဋ္ဌာနံ ဓမ္မံ ပဋိစ္စ နကုသလော နစိတ္တသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ။ တီဏိ. ဟေတုယာ နဝ။ပေ။ အဝိဂတေ နဝ.

၃၉. ကုသလံ နောစိတ္တသမုဋ္ဌာနံ ဓမ္မံ ပဋိစ္စ နကုသလော နနောစိတ္တသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ။ ပဉ္စ.

အကုသလံ နောစိတ္တသမုဋ္ဌာနံ ဓမ္မံ ပဋိစ္စ နအကုသလော နနောစိတ္တသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ။ ပဉ္စ.

အဗျာကတံ နောစိတ္တသမုဋ္ဌာနံ ဓမ္မံ ပဋိစ္စ နကုသလော နနောစိတ္တသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ။ တီဏိ. ဟေတုယာ တေရသ။ပေ။ အဝိဂတေ တေရသ.

၁-၆၁. ကုသလတ္တိက-စိတ္တသဟဘူဒုကံ

၄၀. ကုသလံ စိတ္တသဟဘုံ ဓမ္မံ ပဋိစ္စ နကုသလော နစိတ္တသဟဘူ ဓမ္မော ဥပ္ပဇ္ဇတိ ဟေတုပစ္စယာ။ ပဉ္စ.

အကုသလံ စိတ္တသဟဘုံ ဓမ္မံ ပဋိစ္စ နအကုသလော နစိတ္တသဟဘူ ဓမ္မော ဥပ္ပဇ္ဇတိ ဟေတုပစ္စယာ။ ပဉ္စ.

အဗျာကတံ စိတ္တသဟဘုံ ဓမ္မံ ပဋိစ္စ နကုသလော နစိတ္တသဟဘူ ဓမ္မော ဥပ္ပဇ္ဇတိ ဟေတုပစ္စယာ။ တီဏိ. ဟေတုယာ တေရသ။ပေ။ အဝိဂတေ တေရသ.

၄၁. ကုသလံ နောစိတ္တသဟဘုံ ဓမ္မံ ပဋိစ္စ နကုသလော နနောစိတ္တသဟဘူ ဓမ္မော ဥပ္ပဇ္ဇတိ ဟေတုပစ္စယာ။ ပဉ္စ.

အကုသလံ နောစိတ္တသဟဘုံ ဓမ္မံ ပဋိစ္စ နအကုသလော နနောစိတ္တသဟဘူ ဓမ္မော ဥပ္ပဇ္ဇတိ ဟေတုပစ္စယာ။ ပဉ္စ.

အဗျာကတံ နောစိတ္တသဟဘုံ ဓမ္မံ ပဋိစ္စ နကုသလော နနောစိတ္တသဟဘူ ဓမ္မော ဥပ္ပဇ္ဇတိ ဟေတုပစ္စယာ။ တီဏိ. (သံခိတ္တံ.) ဟေတုယာ တေရသ။ပေ။ အဝိဂတေ တေရသ.

၁-၆၂-၆၅. ကုသလတ္တိက-စိတ္တာနုပရိဝတ္တာဒိဒုကာနိ

၄၂. ကုသလံ စိတ္တာနုပရိဝတ္တိံ ဓမ္မံ ပဋိစ္စ။ (သံခိတ္တံ.) ဟေတုယာ တေရသ.

ကုသလံ နောစိတ္တာနုပရိဝတ္တိံ ဓမ္မံ ပဋိစ္စ။ (သံခိတ္တံ.) ဟေတုယာ တေရသ. (ဧတေ သံခိတ္တာ၊ ဒုကတ္တယံ စိတ္တဒုကသဒိသံ.)

၁-၆၆-၆၈. ကုသလတ္တိက-အဇ္ဈတ္တိကာဒိဒုကာနိ

၄၃. ကုသလံ အဇ္ဈတ္တိကံ ဓမ္မံ ပဋိစ္စ။ (သံခိတ္တံ၊ စိတ္တဒုကသဒိသံ).

ကုသလံ ဗာဟိရံ ဓမ္မံ ပဋိစ္စ နအကုသလော နဗာဟိရော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

၄၄. အဗျာကတံ ဥပါဒါ ဓမ္မံ ပဋိစ္စ နကုသလော နဥပါဒါ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

ကုသလံ နောဥပါဒါ ဓမ္မံ ပဋိစ္စ နကုသလော နနောဥပါဒါ ဓမ္မော ဥပ္ပဇ္ဇတိ ဟေတုပစ္စယာ။ တီဏိ။ နဝ.

၄၅. အဗျာကတံ ဥပါဒိန္နံ ဓမ္မံ ပဋိစ္စ နကုသလော နဥပါဒိန္နော ဓမ္မော ဥပ္ပဇ္ဇတိ ဟေတုပစ္စယာ. အဗျာကတံ ဥပါဒိန္နံ ဓမ္မံ ပဋိစ္စ နအကုသလော နဥပါဒိန္နော ဓမ္မော ဥပ္ပဇ္ဇတိ ဟေတုပစ္စယာ. အဗျာကတံ ဥပါဒိန္နံ ဓမ္မံ ပဋိစ္စ နကုသလော နဥပါဒိန္နော စ နအကုသလော နဥပါဒိန္နော စ ဓမ္မာ ဥပ္ပဇ္ဇန္တိ ဟေတုပစ္စယာ. ဟေတုယာ တီဏိ.

၁-၆၉-၈၂. ကုသလတ္တိက-ဥပါဒါနာဒိဒုကာနိ

၄၆. အကုသလံ ဥပါဒါနံ ဓမ္မံ ပဋိစ္စ နအကုသလော နောဥပါဒါနော ဓမ္မော ဥပ္ပဇ္ဇတိ ဟေတုပစ္စယာ.

အကုသလံ ကိလေသံ ဓမ္မံ ပဋိစ္စ နအကုသလော နောကိလေသော ဓမ္မော ဥပ္ပဇ္ဇတိ ဟေတုပစ္စယာ.

၁-၈၃. ကုသလတ္တိက-ပိဋ္ဌိဒုကံ

၄၇. အကုသလံ ဒဿနေန ပဟာတဗ္ဗံ ဓမ္မံ ပဋိစ္စ နအကုသလော နဒဿနေန ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ. အကုသလံ ဒဿနေန ပဟာတဗ္ဗံ ဓမ္မံ ပဋိစ္စ နကုသလော နဒဿနေန ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ. အကုသလံ ဒဿနေန ပဟာတဗ္ဗံ ဓမ္မံ ပဋိစ္စ နကုသလော နဒဿနေန ပဟာတဗ္ဗော စ နအကုသလော နဒဿနေန ပဟာတဗ္ဗော စ ဓမ္မာ ဥပ္ပဇ္ဇန္တိ ဟေတုပစ္စယာ. ဟေတုယာ တီဏိ.

အဗျာကတံ နဒဿနေန ပဟာတဗ္ဗံ ဓမ္မံ ပစ္စယာ နအဗျာကတော နနဒဿနေန ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ. အဗျာကတံ နဒဿနေန ပဟာတဗ္ဗံ ဓမ္မံ ပစ္စယာ နကုသလော နနဒဿနေန ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ. အဗျာကတံ နဒဿနေန ပဟာတဗ္ဗံ ဓမ္မံ ပစ္စယာ နကုသလော နနဒဿနေန ပဟာတဗ္ဗော စ နအဗျာကတော နနဒဿနေန ပဟာတဗ္ဗော စ ဓမ္မာ ဥပ္ပဇ္ဇန္တိ ဟေတုပစ္စယာ. ဟေတုယာ တီဏိ.

၄၈. အကုသလံ ဘာဝနာယ ပဟာတဗ္ဗံ ဓမ္မံ ပဋိစ္စ နအကုသလော နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ. အကုသလံ ဘာဝနာယ ပဟာတဗ္ဗံ ဓမ္မံ ပဋိစ္စ နကုသလော နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ. အကုသလံ ဘာဝနာယ ပဟာတဗ္ဗံ ဓမ္မံ ပဋိစ္စ နကုသလော နဘာဝနာယ ပဟာတဗ္ဗော စ နအကုသလော နဘာဝနာယ ပဟာတဗ္ဗော စ ဓမ္မာ ဥပ္ပဇ္ဇန္တိ ဟေတုပစ္စယာ. ဟေတုယာ တီဏိ.

အဗျာကတံ နဘာဝနာယ ပဟာတဗ္ဗံ ဓမ္မံ ပစ္စယာ နအဗျာကတော နနဘာဝနာယ ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

၄၉. အကုသလံ ဒဿနေန ပဟာတဗ္ဗဟေတုကံ ဓမ္မံ ပဋိစ္စ နအကုသလော နဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.