၁-၈၃. ကုသလတ္တိက-ပိဋ္ဌိဒုကံ

၄၇. အကုသလံ ဒဿနေန ပဟာတဗ္ဗံ ဓမ္မံ ပဋိစ္စ နအကုသလော နဒဿနေန ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ. အကုသလံ ဒဿနေန ပဟာတဗ္ဗံ ဓမ္မံ ပဋိစ္စ နကုသလော နဒဿနေန ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ. အကုသလံ ဒဿနေန ပဟာတဗ္ဗံ ဓမ္မံ ပဋိစ္စ နကုသလော နဒဿနေန ပဟာတဗ္ဗော စ နအကုသလော နဒဿနေန ပဟာတဗ္ဗော စ ဓမ္မာ ဥပ္ပဇ္ဇန္တိ ဟေတုပစ္စယာ. ဟေတုယာ တီဏိ.

အဗျာကတံ နဒဿနေန ပဟာတဗ္ဗံ ဓမ္မံ ပစ္စယာ နအဗျာကတော နနဒဿနေန ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ. အဗျာကတံ နဒဿနေန ပဟာတဗ္ဗံ ဓမ္မံ ပစ္စယာ နကုသလော နနဒဿနေန ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ. အဗျာကတံ နဒဿနေန ပဟာတဗ္ဗံ ဓမ္မံ ပစ္စယာ နကုသလော နနဒဿနေန ပဟာတဗ္ဗော စ နအဗျာကတော နနဒဿနေန ပဟာတဗ္ဗော စ ဓမ္မာ ဥပ္ပဇ္ဇန္တိ ဟေတုပစ္စယာ. ဟေတုယာ တီဏိ.

၄၈. အကုသလံ ဘာဝနာယ ပဟာတဗ္ဗံ ဓမ္မံ ပဋိစ္စ နအကုသလော နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ. အကုသလံ ဘာဝနာယ ပဟာတဗ္ဗံ ဓမ္မံ ပဋိစ္စ နကုသလော နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ. အကုသလံ ဘာဝနာယ ပဟာတဗ္ဗံ ဓမ္မံ ပဋိစ္စ နကုသလော နဘာဝနာယ ပဟာတဗ္ဗော စ နအကုသလော နဘာဝနာယ ပဟာတဗ္ဗော စ ဓမ္မာ ဥပ္ပဇ္ဇန္တိ ဟေတုပစ္စယာ. ဟေတုယာ တီဏိ.

အဗျာကတံ နဘာဝနာယ ပဟာတဗ္ဗံ ဓမ္မံ ပစ္စယာ နအဗျာကတော နနဘာဝနာယ ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

၄၉. အကုသလံ ဒဿနေန ပဟာတဗ္ဗဟေတုကံ ဓမ္မံ ပဋိစ္စ နအကုသလော နဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

အကုသလံ နဒဿနေန ပဟာတဗ္ဗဟေတုကံ ဓမ္မံ ပဋိစ္စ နကုသလော နနဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

အဗျာကတံ နဒဿနေန ပဟာတဗ္ဗဟေတုကံ ဓမ္မံ ပစ္စယာ နအဗျာကတော နနဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

၅၀. အကုသလံ ဘာဝနာယ ပဟာတဗ္ဗဟေတုကံ ဓမ္မံ ပဋိစ္စ နအကုသလော နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

အကုသလံ နဘာဝနာယ ပဟာတဗ္ဗဟေတုကံ ဓမ္မံ ပဋိစ္စ နကုသလော နနဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

၅၁. ကုသလံ သဝိတက္ကံ ဓမ္မံ ပဋိစ္စ နကုသလော နသဝိတက္ကော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တေရသ.

ကုသလံ အဝိတက္ကံ ဓမ္မံ ပဋိစ္စ နအကုသလော နအဝိတက္ကော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ.

၅၂. ကုသလံ သဝိစာရံ ဓမ္မံ ပဋိစ္စ နကုသလော နသဝိစာရော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တေရသ.

ကုသလံ အဝိစာရံ ဓမ္မံ ပဋိစ္စ နအကုသလော နအဝိစာရော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ.

၅၃. ကုသလံ သပ္ပီတိကံ ဓမ္မံ ပဋိစ္စ နကုသလော နသပ္ပီတိကော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တေရသ.

ကုသလံ အပ္ပီတိကံ ဓမ္မံ ပဋိစ္စ နအကုသလော နအပ္ပီတိကော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ.

၅၄. ကုသလံ ပီတိသဟဂတံ ဓမ္မံ ပဋိစ္စ နကုသလော နပီတိသဟဂတော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တေရသ.

ကုသလံ နပီတိသဟဂတံ ဓမ္မံ ပဋိစ္စ နအကုသလော နနပီတိသဟဂတော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ.

၅၅. ကုသလံ သုခသဟဂတံ ဓမ္မံ ပဋိစ္စ နကုသလော နသုခသဟဂတော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တေရသ.

ကုသလံ နသုခသဟဂတံ ဓမ္မံ ပဋိစ္စ နအကုသလော နနသုခသဟဂတော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ.

၅၆. ကုသလံ ဥပေက္ခာသဟဂတံ ဓမ္မံ ပဋိစ္စ နကုသလော နဥပေက္ခာသဟဂတော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တေရသ.

ကုသလံ နဥပေက္ခာသဟဂတံ ဓမ္မံ ပဋိစ္စ နကုသလော နနဥပေက္ခာသဟဂတော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ.

၅၇. အဗျာကတံ ကာမာဝစရံ ဓမ္မံ ပဋိစ္စ နကုသလော နကာမာဝစရော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

ကုသလံ နကာမာဝစရံ ဓမ္မံ ပဋိစ္စ နကုသလော နနကာမာဝစရော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဆ.

၅၈. ကုသလံ ရူပါဝစရံ ဓမ္မံ ပဋိစ္စ နကုသလော နရူပါဝစရော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဆ.

အဗျာကတံ နရူပါဝစရံ ဓမ္မံ ပဋိစ္စ နကုသလော နနရူပါဝစရော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

၅၉. ကုသလံ အရူပါဝစရံ ဓမ္မံ ပဋိစ္စ နကုသလော နအရူပါဝစရော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဆ.

အဗျာကတံ နအရူပါဝစရံ ဓမ္မံ ပစ္စယာ နအဗျာကတော နနအရူပါဝစရော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ပဉ္စ.

၆၀. အဗျာကတံ ပရိယာပန္နံ ဓမ္မံ ပစ္စယာ နအဗျာကတော နပရိယာပန္နော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ပဉ္စ.

ကုသလံ အပရိယာပန္နံ ဓမ္မံ ပဋိစ္စ နကုသလော နအပရိယာပန္နော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဆ.

၆၁. ကုသလံ နိယျာနိကံ ဓမ္မံ ပဋိစ္စ နကုသလော နနိယျာနိကော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

အဗျာကတံ အနိယျာနိကံ ဓမ္မံ ပစ္စယာ နအဗျာကတော နအနိယျာနိကော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

၆၂. ကုသလံ နိယတံ ဓမ္မံ ပဋိစ္စ နကုသလော နနိယတော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဆ.

အဗျာကတံ အနိယတံ ဓမ္မံ ပစ္စယာ နအဗျာကတော နအနိယတော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ပဉ္စ.

၆၃. အဗျာကတံ သဥတ္တရံ ဓမ္မံ ပစ္စယာ နအဗျာကတော နသဥတ္တရော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ပဉ္စ.

ကုသလံ အနုတ္တရံ ဓမ္မံ ပဋိစ္စ နကုသလော နအနုတ္တရော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဆ.

၆၄. အကုသလံ သရဏံ ဓမ္မံ ပဋိစ္စ နအကုသလော နသရဏော ဓမ္မော ဥပ္ပဇ္ဇတိ ဟေတုပစ္စယာ. အကုသလံ သရဏံ ဓမ္မံ ပဋိစ္စ နကုသလော နသရဏော ဓမ္မော ဥပ္ပဇ္ဇတိ ဟေတုပစ္စယာ. အကုသလံ သရဏံ ဓမ္မံ ပဋိစ္စ နကုသလော နသရဏော စ နအကုသလော နသရဏော စ ဓမ္မာ ဥပ္ပဇ္ဇန္တိ ဟေတုပစ္စယာ. ဟေတုယာ တီဏိ.

အဗျာကတံ အရဏံ ဓမ္မံ ပစ္စယာ နအဗျာကတော နအရဏော ဓမ္မော ဥပ္ပဇ္ဇတိ ဟေတုပစ္စယာ. အဗျာကတံ အရဏံ ဓမ္မံ ပစ္စယာ နကုသလော နအရဏော ဓမ္မော ဥပ္ပဇ္ဇတိ ဟေတုပစ္စယာ. အဗျာကတံ အရဏံ ဓမ္မံ ပစ္စယာ နကုသလော နအရဏော စ နအဗျာကတော နအရဏော စ ဓမ္မာ ဥပ္ပဇ္ဇန္တိ ဟေတုပစ္စယာ. ဟေတုယာ တီဏိ.