၁-၆. ပဋိစ္စဝါရာဒိ

ပစ္စယစတုက္ကံ

ဟေတုပစ္စယော

၂၀. သညောဇနဝိပ္ပယုတ္တံ ကုသလံ ဓမ္မံ ပဋိစ္စ သညောဇနဝိပ္ပယုတ္တော ကုသလော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).

ဟေတုယာ ဧကံ၊ အာရမ္မဏေ ဧကံ။ပေ။ အဝိဂတေ ဧကံ (သံခိတ္တံ).

(သဟဇာတဝါရေပိ ။ပေ။ ပဉှာဝါရေပိ သဗ္ဗတ္ထ ဧကံ.)

၂၁. သညောဇနသမ္ပယုတ္တံ အကုသလံ ဓမ္မံ ပဋိစ္စ သညောဇနသမ္ပယုတ္တော အကုသလော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

သညောဇနသမ္ပယုတ္တံ အကုသလံ ဓမ္မံ ပဋိစ္စ သညောဇနသမ္ပယုတ္တော အကုသလော ဓမ္မော ဥပ္ပဇ္ဇတိ အာရမ္မဏပစ္စယာ (သံခိတ္တံ).

၂၂. ဟေတုယာ တီဏိ၊ အာရမ္မဏေ ပဉ္စ၊ အဓိပတိယာ ဧကံ။ပေ။ အဝိဂတေ ပဉ္စ (သံခိတ္တံ၊ အနုလောမံ).

ပစ္စနီယံ

နဟေတုပစ္စယော

၂၃. သညောဇနသမ္ပယုတ္တံ အကုသလံ ဓမ္မံ ပဋိစ္စ သညောဇနသမ္ပယုတ္တော အကုသလော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသဟဂတေ ခန္ဓေ ပဋိစ္စ ဝိစိကိစ္ဆာသဟဂတော မောဟော. သညောဇနသမ္ပယုတ္တံ အကုသလံ ဓမ္မံ ပဋိစ္စ သညောဇနဝိပ္ပယုတ္တော အကုသလော ဓမ္မော ဥပ္ပဇ္ဇတိ နဟေတုပစ္စယာ – ဥဒ္ဓစ္စသဟဂတေ ခန္ဓေ ပဋိစ္စ ဥဒ္ဓစ္စသဟဂတော မောဟော. (၂) (သံခိတ္တံ.)

၂၄. နဟေတုယာ ဒွေ၊ နအဓိပတိယာ ပဉ္စ၊ နပုရေဇာတေ ပဉ္စ။ပေ။ နကမ္မေ တီဏိ။ပေ။ နဝိပ္ပယုတ္တေ ပဉ္စ (သံခိတ္တံ၊ ပစ္စနီယံ).