၁-၇. ပဋိစ္စဝါရာဒိ
ပစ္စယစတုက္ကံ
ဟေတုပစ္စယော
၂၃. အပ္ပဋိဃံ ကုသလံ ဓမ္မံ ပဋိစ္စ အပ္ပဋိဃော ကုသလော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).
၂၄. ဟေတုယာ ဧကံ၊ အာရမ္မဏေ ဧကံ။ပေ။ ဝိပ္ပယုတ္တေ ဧကံ။ပေ။ အဝိဂတေ ဧကံ (သံခိတ္တံ).
(သဟဇာတဝါရေပိ။ပေ။ ပဉှာဝါရေပိ သဗ္ဗတ္ထ ဧကံ.)
၂၅. အပ္ပဋိဃံ အကုသလံ ဓမ္မံ ပဋိစ္စ အပ္ပဋိဃော အကုသလော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).
ဟေတုယာ ဧကံ။ပေ။ အဝိဂတေ ဧကံ (ပဉှာဝါရေပိ သဗ္ဗတ္ထ ဧကံ.)